ఏపికి ఒక్కరు కాదు ముగ్గురు ముఖ్యమంత్రులు.. నిజం అవుతుందా?

13 జిల్లాల ఆంధ్రప్రదేశ్ కు ఒక ముఖ్యమంత్రి… ఐదుగురు ఉప ముఖ్యమంత్రులు ఉన్నారు. 13 జిల్లాలకు ఇంతమంది ముఖ్యమంత్రులు ఉండటం అరుదైన విషయంగా చెప్పాలి. మహారాష్ట్ర వంటి పెద్ద రాష్ట్రాలకు కూడా ఒక్కరే ఉప ముఖ్యమంత్రి. మరి ఇక్కడ అంతమంది ఎందుకు ఆంటే… ఏదో ఆర్భాటం కోసం మాత్రమే తప్పించి మరొకటి కాదు.

ఇప్పుడు 13 జిల్లాలకు ముగ్గురు ముఖ్యమంత్రులు రాబోతున్నారు. అదేంటి ఆంధ్రప్రదేశ్ ఎప్పుడు మూడు రాష్ట్రాలు అయ్యింది అనే డౌట్ రావొచ్చు. జగన్ మూడు రాష్ట్రాల ప్రతిపాదన తీసుకొచ్చి మూడు ప్రాంతాల మధ్య చిచ్చు పెట్టారు. ఒకవేళ మూడు రాజధానులు ఏర్పాటు చేస్తే… మూడు ప్రాంతాల మధ్య తప్పకుండా చిచ్చు రగులుకుంటుంది. ఎందుకంటే, మూడు ప్రాంతాల ప్రజలకు చాలా ఇబ్బందులు వస్తాయి.

ఎలాగంటే, కార్యనిర్వాహక రాజాధాని ఉన్న విశాఖ ఇప్పటికే అభివృద్ధి చెందింది. దాని చుట్టుపక్కల అభివృద్ధి చేస్తారు. ఉద్యోగాలు వస్తాయి. సహజంగానే విశాఖలో ఇండస్ట్రీలు ఉన్నాయి. కొన్ని ఐటి కంపెనీలు ఉన్నాయి. జగన్ కు తెలివి ఉంటె ఐటి హబ్ గా ఆ ప్రాంతాన్ని అభివృద్ధి చెయ్యొచ్చు. విశాఖ అభివృద్ధి చెందుతుంది. ఇప్పటికే కొంతమంది వైకాపా నాయకులు హైదరాబాద్ తరువాత విశాఖ నగరమే అభివృద్ధి చెందింది అని అంటున్నారు.

దీనిని బట్టి చూస్తే, భవిష్యత్తులో విశాఖ మరింత అభివృద్ధి చెందుతుంది. మిగతా చోట్ల కంటే అక్కడే పెట్టుబడులు పెట్టేందుకు ఎక్కువమంది వస్తారు. పరిశ్రమలు తమకు అనుకూలమైన చోట పెట్టడానికి వ్యాపారవేత్తలు చూస్తారుగాని, ప్రభుత్వం చెప్పిన చోట పెట్టదు కదా. నామమాత్రపు రాజధానిగా ఉన్న అమరావతి, అటు కర్నూలు ఎప్పటిలాగే ఉండిపోతాయి. కోస్తా కంటే రాయలసీమ మరింత వెనకబడి ఉన్నది. వెనకపడ్డామనే భావన వారిలో కలుగుతుంది. ఇప్పటికే కొన్నిసార్లు పోరాటం చేశారు. ఈసారి కోస్తాతో కలిసి పోరాటం చేస్తారు. విడిపోవాలని చూస్తారు. మూడు రాజధానులను ప్రకటిస్తే జరిగేది ఇదే. 13 జిల్లాలు మరలా మూడు ముక్కలు కావడం ఖాయం అవుతుంది.