తెలుగు భాషా దినోత్సవం ఘనంగా జరిపేసుకున్నాం.. అదీ, సామాజిక మాధ్యమాల ద్వారా. పలువురు ప్రముఖులు తెలుగు భాషా దినోత్సవాన, ఆంగ్లంలో శుభాకాంక్షలు చెప్పేశారు. ఏం చేస్తాం, అలా తయారైంది పరిస్థితి.! ఇక్కడ ఎవర్నీ తప్పు పట్టడానికి వీల్లేదు. తెలుగుకి తెగులు పట్టించేయడమే వ్యవహారికమిప్పుడు.
వ్యవహారిక తెలుగు భాషోద్యమ పితామహుడు గిడుగు రామ్మూర్తి పంతులు జయంతిని తెలుగు భాషా దినోత్సవంగా జరుపుకుంటున్నామని ఎంతమందికి తెలుసు.? పలువురు ప్రముఖులు ఆ మహనీయుడి ఫొటోలతో తెలుగు భాషా దినోత్సవం గురించి సామాజిక మాధ్యమాల్లో పేర్కొనడంతో, ‘ఈయనెవరు.?’ అంటూ నేటి తరం ఆశ్చర్యపోవాల్సి వస్తోంది.
ఇదిలా వుంటే, తెలుగు భాషని పూర్తిగా జనం నుంచి దూరం చేసేందుకు రాజకీయ ప్రయత్నాలు జరుగుతున్నాయన్నది భాషాభిమానుల ఆవేదన. ప్రపంచంతో పోటీ పడాలంటే, ‘ఇంగ్లీషు బెస్టు.. తెలుగు వేస్టు..’ అని ప్రభుత్వాలే చెబుతున్నాయి. ఔను, తెలుగు మాధ్యమంలో చదివితే.. పాపం చేసినట్లేనన్న భావనని జనం మీద బలంగా రుద్దుతున్నారు పాలకులు.
ఇంగ్లీషు భాషలో విద్యనభ్యసించడం మంచిదే. కానీ, తెలుగు భాషలో చదువుకోవాలనే ‘ఆశ’ వున్నవారి పరిస్థితేంటి.? ‘మీ ఛావు మీరు ఛావండి.. మేం మాత్రం ఇంగ్లీషు మీడియంని మీ మీద బలవంతంగా రుద్దేస్తాం..’ అని పాలకులు తెగేసి చెబుతున్నారు. ‘తెలుగు మీడియం రద్దు చేయొద్దు..’ అంటే, అదేదో పెద్ద నేరమన్నట్టు పాలకులు వ్యవహరించడమే కాదు, రాజకీయంగా దాడి చేస్తున్నారాయె.
మళ్ళీ అదే పాలకులు, తెలుగు భాషా దినోత్సవం గురించి మాట్లాడుతున్నారు. చంపేసి, దశదినకర్మ ఘనంగా చేయడం అంటే ఇదే మరి.!
కొన్నాళ్ళ తర్వాత.. అంటే, ఇంకై ఐదారేళ్ళ తర్వాత ‘టెల్గు భాష అంటే ఏంటి.?’ అని చిన్న పిల్లలు ఇంగ్లీషులో ప్రశ్నించుకునే పరిస్థితి వచ్చినా రావొచ్చు. మహనీయుడు గిడుగు రామ్మూర్తి పంతులు ఇప్పుడు జీవించి లేరు.. ఒకవేళ ఆయన జీవించి వుంటే.. ఆయన్నీ ‘నేరస్తుడిగా’ చూపించేవాళ్ళేమో నేటి పాలకులు.
234792 404890I only wish that I had the ability to convey what I wanted to say within the manner that you have presented this info. Thanks. 686569
6845 727940Bookmarked. Kindly also visit my site. 167512
278515 4525I tried to submit a comment earlier, although it has not shown up. I will remember this. 618741