తన కెరీర్ లో ఒక హిట్ వెంటనే ప్లాప్, ఆపై మళ్ళీ సూపర్ హిట్ తో అలా పైకి కిందకి వెళ్తోంది సురేందర్ రెడ్డి కెరీర్ గ్రాఫ్. సైరా నరసింహారెడ్డి వంటి హిట్ తర్వాత అఖిల్ తో చేసిన ఏజెంట్ దారుణంగా బెడిసికొట్టింది. ఈ సినిమా దారుణమైన నష్టాలను మిగిల్చింది. సురేందర్ రెడ్డి నుండి ఇలాంటి నాసిరకం సినిమాను ఊహించలేదు ఎవరూ.
ఇక ఆ ప్లాప్ నుండి తేరుకుంటోన్న సురేందర్ రెడ్డి తన నెక్స్ట్ సినిమాపై ఫోకస్ పెట్టాడు. సీనియర్ హీరో విక్టరీ వెంకటేష్ తో సినిమా చేయాలని ప్లాన్ చేస్తున్నట్లు తెలుస్తోంది. ఈసారి తన స్టైల్ సినిమాలకు భిన్నంగా ఒక ఫామిలీ ఎంటర్టైనర్ ను చేయబోతున్నట్లు సమాచారం.
ప్రస్తుతం స్క్రిప్టింగ్ పనులు జరుగుతున్నాయి. అన్నీ అనుకున్నట్లు జరిగితే ఈ ఏడాది చివరికి ఒక క్లారిటీ వస్తుంది. దీంతో పాటు పవన్ కళ్యాణ్ తో కూడా సురేందర్ రెడ్డి సినిమా చేయాల్సి ఉంది.