‘ఒకవేళ వైఎస్ జగన్ మోహన్ రెడ్డికి బెయిల్ రాకపోతే.. ఆయన జైలు నుంచి విడుదలయ్యే అవకాశం లేకపోతే, ఆయన స్థానంలో షర్మిలే వైఎస్సార్ కాంగ్రెస్ పార్టీకి ముఖ్యమంత్రి అభ్యర్థి అవుతారు..’ అన్న ప్రచారం అప్పట్లో జరిగింది. అక్రమాస్తుల కేసులో వైఎస్ జగన్, జైలుకు వెళ్ళినప్పటి పరిస్థితులవి. అన్న వైఎస్ జగన్ కోసం షర్మిల చేసిన సుదీర్ఘ పాదయాత్ర.. ఓ చరిత్ర. ఇది అందరికీ తెలిసిన విషయమే.
ఒకానొక సమయంలో ఆమె వైసీపీ తెలంగాణ బాధ్యతలూ తీసుకున్నారు. కానీ, ఏమయ్యిందో.. ఆ ప్రయత్నం ఆమె విరమించుకున్నారు. ఈ మధ్యనే అనూహ్యంగా తెలంగాణ రాజకీయ తెరపైకొచ్చరామె.. కొత్త పార్టీ పెడతానంటున్నారు. ఈ క్రమంలో అసలు వైఎస్సార్సీపీ తాలూకు ‘గాలి సోకకూడదు’ అన్నట్లుగా వ్యవహరిస్తున్న షర్మిల, గతంలో తాను వైసీపీకి స్టార్ క్యాంపెయినర్ హోదాలో పనిచేశాను తప్ప, తనకూ వైసీపీకి అంతకు మించిన సంబంధాలేమీ లేవని సెలవిచ్చారు.
అదెలా సాధ్యం.? షర్మిల, విశాఖ నుంచి వైసీపీ తరఫున లోక్సభకు పోటీ చేస్తారనే ప్రచారం జరగ్గా, అత్యంత వ్యూహాత్మకంగా షర్మిలను కాదని విజయమ్మను బరిలోకి దించారు జగన్ అప్పట్లో. ‘ఎంపీ టిక్కెట్ దక్కకపోవడంతో అన్న మీద అలిగిన చెల్లెలు..’ అంటూ రాజకీయ వర్గాల్లో చర్చ జరిగింది కూడా. షర్మిల పైకి ఏం చెప్పినా, అన్న వైఎస్ జగన్ సహాయ సహకారాల్లేకుండా ఆమె రాజకీయాల్లో రాణించడం సాధ్యమయ్యే పని కాదు.
అయితే, తెలంగాణ – ఆంధ్రపదేశ్ మధ్య ప్రత్యేక పరిస్థితుల కారణంగా, సెంటిమెంట్ కారణంగా, ఏపీ రాజకీయ గాలి తగలకుండా షర్మిలతో వైఎస్ జగన్ అలా మాట్లాడిస్తున్నారన్న వాదన లేకపోలేదు. ఇదిలా వుంటే, కొత్త పార్టీ పేరు ప్రకటించకముందే మండల స్థాయిలో కమిటీల్ని ఏర్పాటు చేసేందుకు షర్మిల సన్నద్ధమవుతుండడం గమనార్హం. పైకి షర్మిల పార్టీ హంగామా కనిపించకపోయినా, గ్రౌండ్ లెవల్లో మాత్రం ఆమె రాజకీయ వ్యవహారాలు బాగానే చక్కబెట్టేస్తున్నారన్నమాట.
737214 580387I really prize your piece of function, Great post. 234645