సూపర్ స్టార్ మహేష్ బాబు తన లేటెస్ట్ చిత్రం సరిలేరు నీకెవ్వరుతో మన ముందుకు వస్తున్న విషయం తెల్సిందే. ఈ సినిమా సంక్రాంతి సందర్భంగా జనవరి 11న విడుదల కానుంది. నిన్న ఈ చిత్ర ప్రీ రిలీజ్ ఈవెంట్ అంగరంగ వైభవంగా నిర్వహించారు. సూపర్ స్టార్ సినిమా వేడుకకు మెగాస్టార్ ముఖ్య అతిధిగా రావడంతో అభిమానులకు కనువిందు అయింది. ఇక ఈ ఈవెంట్ లోనే సరిలేరు నీకెవ్వరు ట్రైలర్ ను కూడా విడుదల చేసారు.
అనిల్ రావిపూడి గత చిత్రాల తరహాలోనే ఇందులో కూడా కామెడీనే ప్రధాన ఎంటర్టైన్మెంట్ ఫ్యాక్టర్ గా ఉండనుంది. ట్రైలర్ ఆద్యంతం కామెడీ బేస్డ్ గా జరిగింది. ముఖ్యంగా రష్మిక పాత్ర, ఆమె కుటుంబంతో మహేష్ బాబు ఎపిసోడ్, ట్రైన్ ఎపిసోడ్, బండ్ల గణేష్ బ్లేడ్ పాత్ర, రాజేంద్ర ప్రసాద్ పాత్ర ఇవన్నీ కూడా కామెడీని పంచడానికి ఉపయోగపడనున్నాయి.
ఇక పంచ్ డైలాగులకు కొదవ లేదు. మహేష్ బాబు చేత పలికించిన డైలాగులు అభిమానుల చేత విజిల్స్ వేయిస్తాయి. చిన్న బ్రేక్ ఇస్తున్నా.. తర్వాత బొమ్మ దద్దరిల్లిపోద్ది డైలాగ్ కూడా అదిరిపోయింది. విజయశాంతి పాత్ర, ప్రకాష్ రాజ్ పాత్ర చుట్టూ ఉన్న సస్పెన్స్ ను అలాగే మైంటైన్ చేసారు. వీరే ఈ సినిమా కథకు మూల స్థంబాలు అన్న విషయం అర్ధమైపోతుంది.
ఇక దేవి శ్రీ ప్రసాద్ మ్యూజిక్ సినిమాకు ప్రధాన బలంగా నిలవనుంది. ట్రైలర్ లో బ్యాక్ గ్రౌండ్ మ్యూజిక్ ఆకట్టుకుంది. మొత్తంగా చూసుకుంటే సరిలేరు నీకెవ్వరు ట్రైలర్ చిత్రంపై అంచనాలను మరింత పెంచాయి. సినిమాకు టాక్ పాజిటివ్ గా వస్తే, సంక్రాంతి సీజన్ కూడా కావడంతో సినిమాలో డైలాగ్ ఉన్నట్లు బొమ్మ దద్దరిల్లిపోవడం ఖాయం. ట్రైలర్ లాస్ట్ లో పెట్టిన మహేష్ బాబు లుంగీ షాట్ మహేష్ అభిమానులకు కొత్త ఫీల్ ఇవ్వనుంది.
110192 71777Utterly composed topic material , thanks for selective info . 582207
828985 446379We will have a link trade arrangement between us! 601987