ఆర్ఆర్ఆర్: రామరాజు ఫర్ భీమ్… సమయం వచ్చేసింది!

మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ నటిస్తోన్న తాజా చిత్రం ఆర్ ఆర్ ఆర్. ఇద్దరు టాప్ స్టార్స్ కలిసి సినిమా చేస్తుండడంతో సహజంగానే అంచనాలు తారా స్థాయిలో ఉన్నాయి. అందులోనూ ఈ చిత్రానికి రాజమౌళి దర్శకుడు. దీంతో ఆకాశాన్ని దాటేలా అంచనాలు ఏర్పడ్డాయనడంలో ఎటువంటి అతిశయోక్తి లేదు.

ఈ చిత్ర షూటింగ్ దాదాపు 70 శాతం పూర్తవ్వగా కరోనా కారణంగా బ్రేకులు పడిన విషయం తెల్సిందే. ఇక రీసెంట్ గా ఆర్ ఆర్ ఆర్ షూటింగ్ తిరిగి మొదలైంది. ఆర్ ఆర్ ఆర్ లో చరణ్ అల్లూరి సీతారామరాజు పాత్రలో, ఎన్టీఆర్ కొమరం భీమ్ పాత్రలో కనిపించనున్న విషయం తెల్సిందే.

లాక్ డౌన్ మొదలైన కొత్తలో రామ్ చరణ్ స్పెషల్ వీడియోను విడుదల చేసారు. ఆ తర్వాత లాక్ డౌన్ కారణంగా ఎన్టీఆర్ వీడియోను విడుదల చేయడం కుదర్లేదు. అందుకనే షూటింగ్ తిరిగి మొదలైన వెంటనే ముందుగా ఎన్టీఆర్ స్పెషల్ వీడియోకు సంబంధించిన అప్డేట్ వచ్చిన విషయం తెల్సిందే. అక్టోబర్ 22న ఈ వీడియో వస్తుందని ఇదివరకే ప్రకటించగా ఉదయం 11 గంటలకు వీడియో విడుదలవుతుందని ఇప్పుడు రీసెంట్ అప్డేట్ ఇచ్చారు.

రామ్ చరణ్ వీడియోలానే ఇది కూడా మొత్తం ఐదు భాషల్లో విడుదల కానుంది. అన్ని భాషలకు రామ్ చరణ్ స్వయంగా డబ్బింగ్ చెప్పినట్లు తెలుస్తోంది.