పమ్మినేని రామ్రామ్.. అంటూ ఓ కొత్త క్యారెక్టర్ని ‘కమ్మ రాజ్యంలో కడప రెడ్లు’ సినిమా నుంచి రివీల్ చేశాడు దర్శకుడు రామ్ గోపాల్ వర్మ. స్పీకర్ ఛెయిర్లో పమ్మినేని, ఆ పైన ఆంధ్రప్రదేశ్ ప్రభుత్వం తాలూకు లోగో. ఇంతకీ, ఈ పమ్మినేని రామ్రామ్ ఎవరు? ఈ ప్రశ్నకు రామ్గోపాల్ వర్మ ట్విట్టర్ పేజీలోనే చాలామంది తమ సమాధానాల్ని కుండబద్దలుగొట్టేశారు. ఆ పమ్మినేని ఎవరో కాదు, ఆంధ్రప్రదేశ్ ప్రస్తుత స్పీకర్ తమ్మినేని సీతారాం అని.
అసెంబ్లీ సమావేశాల సందర్భంగా తమ్మినేని కునుకు తీశారంటూ ఓ ఫొటో అప్పట్లో సోషల్ మీడియాలో చర్చనీయాంశమయ్యింది. దాన్ని వర్మ, ఇదిగో ఇలా వాడేశాడన్నమాట. కమెడియన్ అలీ, తమ్మినేని సీతారాం పాత్రలో కన్పిస్తున్నాడు. అలీ వైసీపీ నేత అని అందరికీ తెలుసు కదా.! అంటే వైసీపీ నేతతోనే, వైసీపీ నేత మీద రామ్గోపాల్ వర్మ సెటైర్ వేయించబోతున్నాడన్నమాట. మామూలుగా అయితే, రాజకీయ నాయకులపై ఇలాంటి సెటైర్లు సర్వసాధారణమే.
స్పీకర్ లాంటి ప్రత్యేకమైన పదవుల్లో వున్నవారిపై సెటైర్లు వేస్తే, ఆ తర్వాత పరిణామాలు చాలా తీవ్రంగా వుంటాయి. అసలంటూ ‘కమ్మ రాజ్యంలో కడప రెడ్లు’ టైటిల్ మీదనే పెద్ద రచ్చ జరుగుతోంది. కులాల కుంపట్లను రగిల్చే టైటిల్ అది. ఇప్పటికే నమోదైన కేసులు, నమోదు కాబోతున్న కేసుల గురించి చాలా రకాల అభిప్రాయాలు వ్యక్తమవుతున్నాయి. ‘ఇదసలు రిలీజయ్యే సినిమానే కాదు. సెన్సార్ కత్తెర వేటు తప్పదు. టైటిల్ మార్చుకోవాల్సిందే.. చాలా చోట్ల బ్లర్ చేసుకోవాలి.. చాలా డైలాగ్స్కి బీప్ పడటం ఖాయం.. ఇంతా చేసినా సినిమా విడుదలవుతుందన్న గ్యారంటీ లేదు’ అంటున్నారు చాలామంది.
ఆ సంగతేమోగానీ, పమ్మినేని రామ్రామ్ క్యారెక్టర్ రిలీజ్ అయ్యాక, వైసీపీ ప్రభుత్వం ఈ సినిమాని విడుదల చేయనిస్తుందా.? అన్నదిప్పుడు మిలియన్ డాలర్ల ప్రశ్న. ఒకవేళ విడుదలకు అనుమతిస్తే మాత్రం, ఏపీ స్పీకర్కి వైసీపీ పొమ్మనలేక ఇలా రామ్గోపాల్ వర్మ ద్వారా పొగపెడ్తున్నట్లే భావించాల్సి వస్తుంది.
243134 927978Hey, you used to write outstanding, but the last few posts have been kinda boringK I miss your super writings. Past couple of posts are just a bit out of track! come on! 428179