రాములో రాముల కూడా అదే దారిలో..

ఏ సినిమాకైనా ప్రమోషన్స్ అనేవి అత్యంత కీలకమైనవి. ముఖ్యంగా సినిమా అనేది వీకెండ్ బిజినెస్ అయిపోయిన ఈ రోజుల్లో సినిమాను ఎంత వీలయితే అంత ప్రమోట్ చేయాలని చూస్తున్నారు నిర్మాతలు. స్టైలిష్ స్టార్ అల్లు అర్జున్ నటిస్తోన్న అల వైకుంఠపురములో చిత్రం ప్రమోషన్స్ విషయంలో దూసుకుపోతోంది. ఈ చిత్రం నుండి విడుదలైన ప్రతీది సూపర్ సూపర్ హిట్ అయ్యి సినిమాపై బజ్ ను అమాంతం పెంచేసాయి. అల వైకుంఠపురములో చిత్రంలోని మొదటి పాట సామజవరగమన ఇప్పటికే 97 మిలియన్ వ్యూస్ దాటి, రేపో మాపో 100 మిలియన్ వ్యూస్ ను అందుకుంటుంది. ఇప్పటికే మిలియన్ లైక్స్ ను సొంతం చేసుకుంది ఈ పాట.

ఇక ఇదే తరహాలో సూపర్ హిట్టైంది అల వైకుంఠపురములోని రెండో పాట. రాములో రాముల అంటూ సాగే ఈ పాట మాస్ బీట్ తో సాగుతూ యూత్ ను అమితంగా అట్రాక్ట్ చేస్తోంది. ఈ పాట కూడా యూట్యూబ్ లో సెన్సేషన్ క్రియేట్ చేస్తోందని చెప్పవచ్చు. ఇప్పటికే ఈ పాట 73 మిలియన్ వ్యూస్ దాటగా, లైక్స్ కూడా 7 లక్షలు దాటాయి. తెలుగు పాటల్లో మోస్ట్ లైక్డ్ పాటల్లో రెండో స్థానంలో ఉంది రాములో రాముల. మొదటి స్థానంలో ఉన్న పాట గురించి మనం ఇప్పుడే మాట్లాడుకున్నాం. మూడో పాట ఓ మై గాడ్ డాడీ కూడా శ్రోతలను ఆకట్టుకుంటోంది.

అల్లు అర్జున్ సరసన పూజ హెగ్డే హీరోయిన్ గా నటిస్తోన్న ఈ సినిమా జనవరి 12న సంక్రాంతి కానుకగా విడుదల కానుంది. ఈ సినిమాలో సుశాంత్, నివేద పేతురాజ్, నవదీప్, టబు, మురళీ శర్మ తదితరులు కీలక పాత్రలు పోషిస్తున్నారు. థమన్ ఈ సినిమాకు సంగీతం అందిస్తున్న విషయం తెల్సిందే.