Rajinikanth: సినిమాల్లో సూపర్ స్టార్ ఇమేజ్ ఉన్న రజినీకాంత్ (Rajinikanth) ను రాజకీయాల్లో కూడా చూడాలని ఆయన అభిమానులు కోరుకున్నారు. దాదాపు 30 క్రితం నుంచే రజినీకాంత్ రాజకీయ రంగ ప్రవేశం గురించి సినిమాల్లో డైలాగులు, వార్తలు ఉండేవి. పొలిటికల్ ఎంట్రీపై ప్రశ్నలకు ‘అంతా పైవాడి నిర్ణయం’ అని కూడా రజినీకాంత్ చెప్పుకొచ్చేవారు.
ఎట్టకేలకు 2020లో పొలిటికల్ ఎంట్రీ ఇస్తున్నట్టు ప్రకటించారు. దీంతో ఆయన ఫ్యాన్స్ సంతోషంలో మునిగిపోయారు. అయితే.. ఆయనకు ఆరోగ్యం సహకరించక తన నిర్ణయాన్ని ఉపసంహరించుకున్నారు. సభలు, ర్యాలీలు, టెన్షన్స్ ఈ వయసలో వద్దని డాక్టర్లు చెప్పడంతో తాను రాజకీయాల్లోకి రావట్లేదని పేర్కొన్నారు. దీనిపై రజినీ అభిమానులు ధర్నాలు కూడా చేశారు.
ఇప్పుడిదే అంశంపై రజినీకాంత్ శ్రీమతి లత ఓ ఇంటర్వ్యూలో మాట్లాడారు. ‘రజినీకాంత్ రాజకీయాల్లోకి రాకపోవడం నన్ను బాధించింది. ఆయనలో ఎన్నో నాయకత్వ లక్షణాలు ఉన్నాయి. రాష్ట్రంలో ప్రస్తుత పరిస్థితుల దృష్ట్యా రజినీ సూపర్ పవర్ గా ఎదిగేవారు. రాష్ట్ర ప్రజలకు మంచి నాయకత్వం దక్కేద’ని అన్నారు.
Hi there to every one, it’s actually a good for me to go to see this web page, it includes important Information.