Raja Ramyam: విగ్నేష్ రెడ్డి గవి మరియు శ్రీ ఆశ్రిత కీలక పాత్రలు పోషిస్తున్న రాజా రమ్యం అనే సినిమా ఫస్ట్ లుక్ పోస్టర్ ను ఈరోజు విడుదల చేయడం జరిగింది. ప్రనిల్ గౌరీ పాగ దర్శకత్వంలో వస్తున్న ఈ సినిమాకు ఆర్వన్ గండికోట కథ మరియు స్క్రీన్ ప్లే అందించారు. కోకొండ జయచందర్ రెడ్డి, సంజయ్ రెడ్డి మరియు అనిల్ పల్లాల నిర్మిస్తున్న ఈ చిత్రాన్ని గావి ఫిలిమ్స్ మరియు సిల్లీ మాంక్స్ స్టూడియోస్ పై తెరకెక్కిస్తున్నారు
ఈ చిత్రం యొక్క ఫస్ట్ లుక్ పోస్టర్ ఒక విలేజ్ బ్యాక్ గ్రౌండ్ లో ఇద్దరు విద్యార్థులు సైకిల్ మీద కలిసి వెళ్తున్న సన్నివేశాన్ని మనం చూడొచ్చు. రొటీన్ కు భిన్నంగా ఉన్న ఈ ఫస్ట్ లుక్ పోస్టర్ ద్వారా మనము ఒక అద్భుతమైన విలేజ్ డ్రామాను చూడబోతున్నాం అన్న విషయం మాత్రం క్లియర్ గా అర్థమవుతుంది. ఇద్దరు వ్యక్తుల మధ్యన జరిగే ఒక అద్భుతమైన కథను ప్రేక్షకులకు అందించబోతోంది రాజా రమ్యం అనే ఈ సినిమా.
ఈ మధ్యకాలంలో వచ్చిన ఎన్నో సినిమాలు రూరల్ డ్రామాలు కాగా అదే కోవకు చెందిన ఈ సినిమా కూడా ప్రస్తుతం షూటింగ్ జరుపుకుంటుంది. త్వరలోనే ఈ సినిమాకు సంబంధించిన మరిన్ని విషయాలను ప్రేక్షకులకు తెలియజేయబోతున్నారు దర్శక నిర్మాతలు.