ఆ నటుడి మూర్ఖత్వపు మాటలకు భయం వేస్తోంది : రాధిక

మహిళలు ఎదుర్కొంటున్న లైంగిక వేదింపులను.. గతంలో పడ్డ ఇబ్బందులను గురించి షేర్‌ చేసేందుకు మొదలైన ఉద్యమం మీటూ. హాలీవుడ్‌ లో మొదలైన ఈ మీటూ ఇండియాలో కూడా ఒకానొక సమయంలో పతాక స్థాయికి చేరింది. ఎంతో మంది ప్రముఖులు కూడా మీటూ అంటూ మీడియా ముందుకు వచ్చి తమను వేదించిన వారిపై ఉన్న మంచి తనపు మాస్క్‌ ను తొలగించారు. కొందరు మాత్రం మీటూ ఉద్యమంను కించపర్చుతూ మాట్లాడుతూనే ఉన్నారు. మీటూ ఉద్యమం వల్ల ఎంతో మంది లైంగిక వేదింపుల నుండి బయట పడుతున్నారు.

ఇలాంటి సమయంలో బుల్లి తెరపై శక్తిమాన్‌ గా సూపర్‌ హీరోగా గుర్తింపు దక్కించుకున్న నటుడు ముఖేష్‌ ఖన్నా మీటూ ఉద్యమం అనేది ఆడవారు పని చేస్తాం అంటూ బయటకు రావడం వల్లే మొదలు అయ్యింది. పురుషుడితో సమానం అంటూ స్త్రీ ఆలోచించడం వల్ల ఇది జరుగుతుతంది అంటూ ఆయన చేసిన వ్యాఖ్యలు మహిళ సంఘాల వారిని మరియు సినీ ప్రముఖులను బాధ పెట్టింది. ఈ విషయమై చిన్మయి మరియు సీనియర్‌ నటి రాధిక కూడా స్పందించారు.

కొందరి మానసిక పరిస్థితి బాగాలేక వారు చేస్తున్న వ్యాఖ్యలను చూస్తుంటే బాధగా అనిపిస్తుంది. నిజంతో సంబంధం లేకుండా పాత దోరణిలోనే వారు ఆలోచించడం బాధకరం. మహిళలు బయటకు వచ్చి ఉద్యోగాలు చేయడం వల్ల మీటూ ప్రారంభం అయ్యిందని ఆయన వ్యాక్యలు చేయడం పురుష అహంకారంకు పరాకాష్టం అంటూ అభిప్రాయం వ్యక్తం చేసింది. నటి రాధిక ట్విట్టర్‌ లో.. అలాంటి మూర్ఖత్వపు మాటలు వింటూ ఉంటే భయం వేస్తోంది. అలాంటి వారికి.. ఇలాంటి మాటలకు దూరంగా ఉండటం మంచిదని తాను అభిప్రాయ పడుతున్నట్లుగా ట్వీట్‌ చేసింది.