ఒక్కసారి.. ఒకే ఒక్కసారి జనసేన అధినేత పవన్ కళ్యాణ్ చెప్పు చూపించారు.. అదీ రాజకీయ ప్రత్యర్థుల్ని హెచ్చరించడానికి. చెప్పు దెబ్బ.. అంటే, చెప్పుతో గట్టిగా కొట్టాల్సిన పనిలేదు.. చెప్పు చూపిస్తే సరిపోతుంది.! అదీ పవన్ కళ్యాణ్ ఉద్దేశ్యం.
వ్యక్తిగత విమర్శలు చేసేవారికి పవన్ కళ్యాణ్ ‘చెప్పు చూపించి’ ఇచ్చిన వార్నింగ్, సోకాల్డ్ రాజకీయ ప్రత్యర్థులకు కంటి మీద కునుకు లేకుండా చేస్తోంది. ‘నువ్వు ఒక్క చెప్పు చూపిస్తే.. నేను రెండు చెప్పులు చూపిస్తున్నా..’ అంటూ మాజీ మంత్రి పేర్ని నాని మీడియా ముందర చెలరేగిపోయిన సంగతి తెలిసిందే.
ఔనా.? పవన్ కళ్యాణ్ కౌలు రైతుల కుటుంబాలకు లక్ష రూపాయల చొప్పున ఆర్థిక సాయం చేశారు.. మరి, రెండు లక్షల ఆర్థిక సాయం నువ్వు చేయొచ్చగా పేర్నీ నానీ.. అని జనసైనికులే కాదు, సాధారణ ప్రజానీకమూ ప్రశ్నిస్తున్నారు.
ఇదిలా వుంటే, ‘నా చెప్పులు పోయాయ్.. ఎవరో కొట్టేశారు.. తెచ్చి ఇచ్చేయండి..’ అని జనసేనాని వ్యాఖ్యానిస్తే, ఆ వెంటనే పేర్ని నాని భుజాలు తడిమేసుకున్నారు. ‘నా చెప్పులు కూడా గతంలో పోయాయ్..’ అంటూ అర్థం పర్థం లేని మాటలు చెప్పారు. అక్కడికేదో ఆయన సెటైరేసేశానుకుంటున్నాడాయె.
చెప్పుల దొంగా.. అనకుండానే, పేర్ని నాని భుజాలు తడిమేసుకున్న వైనం అందర్నీ విస్మయానికి గురిచేస్తోంది. ‘చెప్పులు పోతే అంత కంగారెందుకు.. నిర్మాతలు కొనిస్తార్లే..’ అనడంతో పేర్ని నాని సరిపెట్టి వుంటే బావుండేది. అసలు స్పందించకుండా వుంటే ఇంకా బావుండేది.
ఏం బావుంటుంది.? అక్కడ అధినేత వైఎస్ జగన్ మెప్పు పొందాలాయె.! ఈ క్రమంలో ప్రతిసారీ తన స్థాయిని మరింత దిగజార్చేసుకుంటున్నారాయన.