మనం నిద్రపోతే కరోనా కూడా నిద్ర పోతుంది

కరోనా వచ్చిన వారు ఆందోళన చెందాల్సిన పని లేదని, ఎక్కువ సమయం పడుకుని ఉంటే కరోనా వైరస్‌ కూడా పడుకుంటుందని, మనం చనిపోతే ఆ కరోనా కూడా చనిపోతుంది అంటూ పాకిస్తాన్‌కు చెందిన ఒక మత బోధకుడు వింత వ్యాఖ్యలు చేశాడు. ఈయన కరోనా వచ్చిన వారు మృతి చెందితే ఇతరులకు రాదు అంటూ ప్రచారం చేస్తున్నాడు. దాంతో కొందరు తమకు వచ్చిన కరోనా తమ కుటుంబ సభ్యులకు సోకకూడదనే ఉద్దేశ్యంతో ఆత్మహత్యకు పాల్పడే అవకాశం ఉందని అభిప్రాయం వ్యక్తం చేస్తున్నారు.

పాకిస్తాన్‌ పాలకులు మరియు మత గురువులకు ప్రజల పట్ల ఎంత బాధ్యత ఉందో దీన్ని బట్టి అర్థం అవుతుంది. ఇంకా వెనుక బడి ఉన్న పాకిస్తాన్‌ కరోనా కారణంగా వేలాది మందిని ఇప్పటికే పోగొట్టుకుంది. ఇంకా అక్కడ జాగ్రత్తలు తీసుకోక పోవడంతో వేలాది మంది మృత్యువాత పడే ప్రమాదం ఉందని ఆందోళన వ్యక్తం అవుతుంది. అయినా కూడా కరోనా వచ్చిన వారు నిద్ర పోవాలని, లేదంటే చనిపోవాలంటూ వింతగా ప్రచారం చేయడం ఆ దేశం వారకే చెల్లిందంటూ అంతర్జాతీయ మీడియాలో కథనాలు వస్తున్నాయి.