ఎన్టీఆర్ బావమరిది నార్నె నితిన్ మ్యాడ్ అనే యూత్ ఫుల్ చిత్రంతో అరంగేట్రం చేసాడు. అయితే సోలో రామ్ నితిన్, సంగీత్ శోభన్ తో కలిసి ఈ సినిమాలో హీరోగా నటించాడు. మ్యాడ్ రెండు తెలుగు రాష్ట్రాల్లో యూత్ ను విశేషంగా ఆకట్టుకుంది. వసూళ్లు బాగున్నాయి. కాగా ఈ సినిమా సక్సెస్ మీట్ కూడా ఇటీవలే జరిగింది.
నితిన్ ఈ సినిమా సక్సెస్ క్రెడిట్ లో అధిక భాగం దర్శకుడు కళ్యాణ్ కే చెందుతుందని అన్నాడు. ఈ సందర్భంగా మాట్లాడుతూ మ్యాడ్ ను మా అక్క, బావ (ఎన్టీఆర్) చూసారు. బావకు ఈ చిత్రం చాలా బాగా నచ్చింది. అక్కకు డబల్, ట్రిపుల్ నచ్చింది. వారి పిల్లలు నితిన్ మామ నితిన్ మామ అంటూ చూసి బాగా ఎంజాయ్ చేసారు అని చెప్పుకొచ్చాడు.
సితార ఎంటర్టైన్మెంట్స్ పతాకంపై నాగవంశీ ఈ సినిమాను నిర్మించాడు.