మీకు తెలుసా.? ఆంధ్రప్రదేశ్లోని కళాశాలల్లో కరోనా ‘జీరో’ అట. స్కూళ్ళకు హాజరవుతున్న విద్యార్థుల విషయాన్ని తీసుకున్నా, నమోదయిన కరోనా పాజిటివిటీ చాలా చాలా తక్కువట. టీచర్లకూ చాలా తక్కువగానే కరోనా సోకిందట. రాష్ట్ర ప్రభుత్వం అత్యంత సమర్థవంతంగా వ్యవహరించడం వల్లే కరోనా, అదుపులోకి వచ్చిందట. ఇంకెందుకు ఆలస్యం.? స్థానిక ఎన్నికల ప్రక్రియను పునఃప్రారంభించడానికి రాష్ట్ర ఎన్నికల కమిషనర్కి రాష్ట్రంలోని వైఎస్ జగన్ సహకరిస్తే సరి.! కానీ, ఆ ఒక్కటీ అడక్కూడదు.
స్థానిక ఎన్నికలంటేనే అధికార పార్టీకి వెన్నులో వణుకు బయల్దేరుతోంది. ‘అమ్మో, ఇప్పుడు ఎన్నికలు నిర్వహిస్తే ఇంకేమన్నా వుందా.? కరోనా సెకెండ్ వేవ్ వచ్చే ప్రమాదం వుంది. ఎట్టి పరిస్థితుల్లోనూ స్థానిక ఎన్నికలు నిర్వహించకూడదు..’ అంటున్నారు మంత్రులు. ఏది నిజం.? ఏది అబద్ధం.? స్కూళ్ళు, ఇతర విద్యా సంస్థలు తెరిచాక కూడా కరోనా అదుపులోనే వుందని ప్రభుత్వం చెబుతున్న మాటలు నిజమైతే, స్థానిక ఎన్నికలకు కరోనా అడ్డంకి లేదు.
ఒకవేళ సెకెండ్ వేవ్ వచ్చే అవకాశాలు వున్నాయని ప్రభుత్వం చెబుతున్నది నిజమే అయితే, విద్యా సంస్థలు – కళాశాలలకు సంబంధించి కరోనాపై ప్రభుత్వం వెల్లడిస్తున్న గణాంకాలు తప్పు. నవ్విపోదురుగాక మనకేటి.? అన్నట్టుంది అధికార పార్టీ తీరు.. స్థానిక ఎన్నికల విషయంలో.
నిమ్మగడ్డ రమేష్కుమార్ రాష్ట్ర ఎన్నికల కమిషనర్గా వుండగానే, రాష్ట్రంలో అడ్డగోలుగా ఏకగ్రీవాలు జరిగాయి. విధ్వంసాలు చోటు చేసుకున్నాయి. అధికార పార్టీ నేతలు అరాచకాలకు తెరలేపారు. మరిప్పుడెందుకు వైసీపీ భయపడుతున్నట్లు.? గతం తాలూకు ‘ఆనవాళ్ళు’ బయటపడిపోతాయనా.? లేకపోతే, గతంలో సాగిన తమ ఆటలు ఇప్పుడు సాగవనా.? ఎక్కడో వ్యవహారం గట్టిగానే తేడా కొడుతోంది.
స్థానిక ఎన్నికలంటే ఎప్పుడూ అధికార పార్టీకే ఎడ్జ్ వుంటుంది. కానీ, గ్రౌండ్ లెవల్లో తమకు ప్రజల నుంచి తీవ్ర వ్యతిరేకత తప్పదని, ప్రస్తుత ఎస్ఈసీ నేతృత్వంలో ఎన్నికలు జరిగితే తమకు చుక్కలు కనిపిస్తాయని వైసీపీ భయపడుతున్నట్లు కన్పిస్తోంది. ‘నిమ్మగడ్డ తిరిగొస్తే ఏం పీకుతాడు.?’ అని ఓ మంత్రిగారు వీరావేశానికి గురయ్యారు గతంలో. ఇంకెందుకు భయం.? నిమ్మగడ్డ హయాంలోనే స్థానిక ఎన్నికలకు వెళ్ళొచ్చుగా.? వెళ్ళడంలేదంటే.. అధికార పార్టీ భయపడుతున్నట్లు ఒప్పుకున్నట్టేగా.!
668458 446772Someone essentially lend a hand to make critically articles Id state. That is the 1st time I frequented your web site page and so far? I amazed with the research you created to create this actual post extraordinary. Amazing activity! 86155