ఏపీలో మంచి పాలన కావాలంటే ఏప్రిల్ 11న జరిగే ఎన్నికల్లో బిజెపికి ఓటువేసి గెలిపించాలని ప్రధాని నరేంద్ర మోడీ కోరారు. మంచి పాలన అంటే కేంద్ర రాష్ట్రాల్లో బిజెపి ప్రభుత్వం ఉండాలని ఆయన వివరించారు. కర్నూలులో నిర్వహించిన ఎన్నికల ప్రచారసభలో ఆయన మాట్లాడారు. ఈ సందర్భంగా చంద్రబాబుపై తీవ్ర విమర్శలు గుప్పించారు. అభివృద్ధిలో కేంద్రానికి ఏపీ ప్రభుత్వం సహకరించట్లేదని మోదీ ఆరోపించారు.
‘‘స్వాతంత్య్రం వచ్చాక మొదటిసారి ఒక ప్రధాని కర్నూలుకు వచ్చారు. ఈ అదృష్టం నాకే కలిగింది. 2019 ఎన్నికల్లో విజయ సంకల్ప దీక్షతోపాటు కృతజ్ఞతలు చెప్పేందుకు మీ ముందుకు వచ్చా. ఐదేళ్ల క్రితం మీరు నాకు వేసిన ఓటు వల్ల మీకు ప్రధాన సేవకుడిగా మారాను. ఐదేళ్లు పగలు, రాత్రి నిద్రాహారాలు మాని పని చేశా. ఈ చౌకీదార్ ఐదేళ్లలో ఏపీ ప్రజల ఆకాంక్షలకు అనుగుణంగా అన్ని విధాలా పని చేశారు.
నేను మిమ్మల్ని కొన్ని ప్రశ్నలు వేస్తాను. మొదటి మంత్రివర్గ సమావేశంలో పోలవరానికి అనుమతులు ఎవరు మంజూరు చేశారు? అనంతపురంలో మొదటి కేంద్రీయ విద్యాలయం ఎవరిచ్చారు? కర్నూలులో ఇండియన్ ఇన్స్టిట్యూట్ ఆఫ్ మెడికల్ సైన్స్, సోలార్ పవర్ పార్క్ ఎవరిచ్చారు? విశాఖ రైల్వే జోన్ ఎవరిచ్చారు? ఏపీ మొదటి ఐఐటీ, ఎన్ఐటీ, ఐఐఎం, ఎయిమ్స్ ఎవరిచ్చారు? మొదటి గిరిజన విశ్వవిద్యాలయం, విపత్తు నిర్వహణ సంస్థ, ఐఐపీ, ఐఐఎఫ్టీ, ఐఐపీ, ఎన్ఐఓటీ ఎవరిచ్చారు?. విజయవాడ, తిరుపతి, విశాఖపట్నం, రాజమండ్రి, కడప విమానాశ్రయాల విస్తరణ ఎవరు చేశారు? మీ కోసం ఈ చౌకీదార్ ఇవన్నీ చేశారు’’ అని మోడీ అన్నారు.
‘‘ఏపీలో కేంద్రం చేపట్టే కొత్త కార్యక్రమాలతో ఇక్కడి యువత బంగారు భవిష్యత్తుపై భద్రత ఏర్పడింది. ఎక్కువ పనులు చేసేందుకు కావాల్సిన ఆలోచనలు నా వద్ద ఉన్నాయి. కానీ, ఇక్కడి ప్రభుత్వం సహకరించట్లేదు. రాబోయే ఏప్రిల్ 11న బిజెపికి వేసే ఓటు వల్ల ఉదయించే ఆంధ్రప్రదేశ్ ఏర్పడుతుంది. ఏపీకి సూర్యోదయం కావాలా వద్దా? అని ప్రశ్నించారు. ఈ రాష్ట్రంలో ప్రతి పనీ అవినీతిమయం. ఈ చౌకీదార్ మీ రక్షకుడు.
ఈ ప్రభుత్వానికి లెక్కలు అడిగితే ముఖ్యమంత్రి యూ టర్న్ తీసుకున్నారు. తన రాజకీయ స్వార్థం కోసం తన అసమర్థతను కప్పి పుచ్చుకొనేందుకు అబద్ధాలు చెబుతున్నారు. పొలవరం త్వరగా పూర్తి కావాలని కేంద్ర ప్రభుత్వం రూ.7 వేల కోట్లు విడుదల చేసింది. పాలకులకు చిత్తశుద్ధి లేకపోవడం వల్ల పనులు పూర్తి కాని పరిస్థితి ఉంది. కేంద్రం నుంచి వచ్చే పథకాలకు తమ స్టిక్కర్ అతికించుకుని తమవని చెప్పుకుంటున్నారు. అందుకే సీఎం చంద్రబాబు స్టిక్కర్ బాబు అయ్యారు’’ అంటూ మోడీ దుయ్యబట్టారు.
465390 435891Some genuinely nice stuff on this internet website , I it. 3437
896027 642504If your real buddies know you as your nickname, use that nickname as your initial name online. When you 1st friend someone, focus on making a personal comment that weaves connection. 124421
371397 532685Thank you for this. Thats all I can say. You most surely have created this into something thats eye opening and critical. You clearly know so much about the subject, youve covered so a lot of bases. Wonderful stuff from this part of the internet. 763717