ప్రముఖ సినీ నటుడు అలీ, తెరపైనే కాదు.. రియల్ లైఫ్లో కూడా నటించేస్తున్నారా.? ఔననే చర్చ సర్వత్రా జరుగుతోంది. అందరికీ తెలిసిన విషయమే.. జనసేన అధినేత పవన్ కళ్యాణ్కి అలీ అత్యంత సన్నిహితుడని. కాదు కాదు, పవర్ స్టార్ పవన్ కళ్యాణ్కి అలీ అత్యంత సన్నిహితుడు.
ఔను, సినీ నటుడు పవన్ కళ్యాణ్కి సినీ నటుడు అలీ అత్యంత సన్నిహితుడు. సినిమా అవసరాలనండీ, ఇంకేదన్నా అనండీ.. పవన్ కళ్యాణ్ అంటే అలీకి ఇష్టం, అభిమానం.. ఆపై ప్రేమ. కానీ, రాజకీయ నాయకుడిగా పవన్ కళ్యాణ్ అంటే అలీకి ఇష్టం లేదు. ఈ విషయాన్ని ఆయన తన చర్యల ద్వారా ప్రూవ్ చేసుకున్నారు.
టీడీపీని వీడి జనసేనలో అలీ చేరతారంటూ గతంలో ప్రచారం జరిగింది. నిజానికి, ఆ ప్రచారం చేయించుకున్నది కూడా అలీనే అంటారు చాలామంది. జనసేనలో అలీ చేరిక దాదాపు ఖాయమైపోయిందంటూ మీడియాలో కథనాలు వచ్చిన వేళ అనూహ్యంగా టీడీపీ నుంచి జనసేనలోకి కాకుండా వైసీపీలోకి అలీ దూకేశారు.
సరే, రాజకీయంగా ఎలాంటి నిర్ణయం తీసుకోవాలన్నది అలీ వ్యక్తిగత నిర్ణయం. ఇందులో పవన్ కళ్యాణ్కి ఏంటి సంబంధం.? ఎవరైనా ఆయన్ని ఈ విషయంలో ప్రశ్నించలేరు. కానీ, జనసేనానిపై వైసీపీ నేతగా అలీ ఎందుకు విమర్శలు చేయాల్సి వచ్చింది.? ‘అబ్బే, నేనేమీ అన్లేదు..’ అని అలీ బుకాయించొచ్చుగాక. కానీ, అలీ చేసిన విమర్శల తాలూకు వీడియోలు ఇంకా సోషల్ మీడియాలో అలాగే వున్నాయ్.
అలీ విమర్శలు, అలీ రాజకీయంగా తన విషయంలో చేసిన పొరపాటు.. వీటన్నిటిపై జనసేన అధినేత పవన్ కళ్యాణ్ కూడా ఒకింత నొచ్చుకున్నారు. ‘ఇకపై ఎవర్నీ గుడ్డిగా నమ్మబోను..’ అని అలీ పేరు ప్రస్తావించకుండానే పవన్ కళ్యాణ్ సెటైర్లేశారు.
ఇంత కథ నడిచింది. ఇప్పుడేమో అలీన, పవన్ కళ్యాణ్తో తనకు గ్యాప్ రాలేదనీ, మీడియానే సొంత వంటకాలు వండి.. గ్యాప్ సృష్టించే ప్రయత్నం చేసిందని అలీ తాజాగా సెలవిచ్చారు. ఎందుకీ డబుల్ గేమ్. వైసీపీలో వుంటే, జనసేన అధినేత పట్ల అభిమానమేంటి.? ఆ అభిమానమే వుంటే, పవన్ కళ్యాణ్పై దారుణమైన దూషణలకు దిగుతున్న వైసీపీ నేతల్ని, ఓ వైసీపీ నేతగా అలీ ఎందుకు ఖండించడంలేదు.
562041 390393I surely did not realize that. Learnt something new right now! Thanks for that. 66638
969753 535363you got a really excellent web site, Sword lily I discovered it by means of yahoo. 918995