బాక్సింగ్ లో ఆరు సార్లు వరల్డ్ ఛాంపియన్‌.. ఐదు సార్లు ఆసియా విజేత.. ఒలింపిక్స్‌లో కాంస్యం.. 20 ఏళ్ల సుదీర్ఘ కెరీర్‌ ఉన్న మేరీకోమ్ టోక్యో ఒలింపిక్స్ లో ఓటమి చెందింది. 38 ఏళ్ల వయసులో బరిలో నిలిచి స్వర్ణం గెలవాలన్న ఆమె తపన ఆవిరయింది. 2019 ప్రపంచ ఛాంపియన్‌షిప్‌ క్వార్టర్స్‌లో తాను ఓడించిన కొలంబియాకు చెందిన వలెన్షియా చేతిలోనే ఒలింపిక్స్ ప్రిక్వార్టర్లో ఓటమి చవిచూసింది.
వలెన్షియా విక్టోరియా ఇంగ్రిట్‌ లొరనా చేతిలో మేరీకోమ్ 2-3 తేడాతో ఓటమి చెందింది. హోరాహోరీగా సాగిన పోరులో రిఫరీ వలెన్షియను విజేతగా ప్రకటించించగానే బాధను భరించలేక రింగ్ లొనే ఏడ్చేసింది. ఇద్దరూ నువ్వా నేనా అన్నట్టుగా తలపడ్డారు. పాయింట్ల పట్టికలో ఒకరిపై ఒకరు పైచేయి సాధించేందుకు శ్రమించారు. తొలిరౌండ్లో త్రుటిలో వలెన్షియాకు ఆధిక్యం దక్కింది. మలి రెండు రౌండ్లలో తన అనుభవాన్ని ఉపయోగించి మేరీకోమ్ విజృంభించింది.
అయితే తొలిరౌండ్లో వలెన్షియాకు స్వల్ప ఆధిక్యం ఉండటంతో మేరీకోమ్ ఓటమి పాలైంది. ఈ పోరులో 27-30, 28-29, 30-27, 28-29, 29-28 తేడాతో ఓడిపోయింది. దీంతో ఇక మేరీకోమ్ కెరీర్‌ ముగిసినట్టే అని చెప్పాలి. వలెన్షియా బాక్సింగ్ లో కొలంబియాకు ఒలింపిక్స్‌లో తొలి పతకం అందించింది.
749711 164084Rapidly and easily build your web traffic and PR, which provides Web website visitors to add your page to any social bookmarking website. 840648