రానా దగ్గుబాటి.. ఈ పేరుని జనం భళ్ళాలదేవగా మార్చేసుకున్నారు. ‘బాహుబలి’ సినిమా ఇంపాక్ట్ అది. కండలు తిరిగిన శరీరంతో ‘బీస్ట్’లా కన్పించాడు రానా, ‘బాహుబలి’ సినిమాలో. అలాంటి రానా, బక్కచిక్కిపోయి కన్పిస్తోంటే.. అనుమానాలు రాకుండా వుంటాయా.? ‘సినిమా కోసం ఏదైనా చేయాల్సిందే.. సినిమా డిమాండ్ చేసింది సన్నబడ్డాను..’ అని ఆ మధ్య ఓ ఇంటర్వ్యూలో చెప్పాడు రానా.
అయితే, రానా తీవ్ర అనారోగ్యంతో బాధపడుతున్నాడనీ, ఈ నేపథ్యంలోనే బక్కగా తయారయ్యాడంటూ గాసిప్స్ పుట్టుకొచ్చాయి. రెండు కిడ్నీలూ చెడిపోవడంతో రానాకి విదేశాల్లో శస్త్ర చికిత్స జరిగిందనీ, కిడ్నీ ట్రాన్స్ప్లాంట్ చేశారనీ ఊహాగానాలు రావడం చూశాం. వాటిని ఖండిస్తూ, తాను హ్యాపీగా వున్నానని రానా కొన్ని ఫొటోలు, వీడియోలు కూడా సోషల్ మీడియాలో షేర్ చేశాడు.
రానా, ఈ మధ్య కొంత కాలం విదేశాలకే పరిమితమైపోయిన మాట వాస్తవం. అయితే, రానా ఎట్టకేలకు విదేశాల నుంచి తిరిగొచ్చాడు.. కానీ, హైద్రాబాద్కి ఇంకా రాలేదు. ప్రస్తుతం మకాం ముంబైలోనే పెట్టేశాడు. దాంతో, మళ్ళీ అనుమానాలు షురూ. ‘ఇండియాకి తిరిగొస్తున్నాను..’ అంటూ సోషల్ మీడియాలో ప్రకటించిన రానా, హైద్రాబాద్కి ఎందుకు రాలేదు.? అన్న చర్చ జరగడం సహజమే.
‘సినిమా పనుల నిమిత్తం..’ అని రానా సన్నిహితులు చెబుతున్నారు. అలా విమానం హైద్రాబాద్లో ల్యాండ్ అయ్యి, ఇలా ఓ మీడియా సమావేశంలో కన్పించి.. మళ్భీ ముంబై వెళ్ళిపోవచ్చు కదా.? అన్నది కొందరి ‘ఉచిత సలహా’. కానీ, అది రానా వ్యక్తిగతం. ‘నేను పూర్తి ఆరోగ్యంతో వున్నాను..’ అని ఒకటికి వందసార్లు చెప్పుకోవాల్సి రావడం ఏ నటుడికైనా బాధాకరమైన విషయమే.
ఎలాంటి అనారోగ్య సమస్యలూ తనకు లేవని రానా చెబుతున్నా, ఈ గాసిప్స్ ఎందుకు పుట్టుకొస్తున్నాయి.? ఏమో, ఈ సస్పెన్స్కి రానా ఎప్పుడు తెరదించుతాడోగానీ.. ఇదేదో జాతీయ సమస్యలా చాలామంది ఫీలయిపోతుండడమే ఆశ్చర్యకరం.
113205 688772Aw, this was a very good post. In thought I want to put in writing like this moreover ?taking time and actual effort to make a quite good write-up?even so what can I say?I procrastinate alot and definitely not appear to get 1 thing done. 268201
942243 780868Im not that significantly of a internet reader to be honest but your blogs genuinely good, keep it up! Ill go ahead and bookmark your site to come back down the road. Cheers 352589
176829 854435I truly treasure your piece of work, Fantastic post. CHECK ME OUT BY CLICKING MY NAME!!! 413217