Jr Ntr: తన పుట్టినరోజును సెలబ్రేట్ చేసుకుని మరింత అందంగా మలచిన అభిమానులు శ్రేయోభిలాషులకు జూనియర్ ఎన్టీఆర్ (Jr Ntr) ధన్యవాదాలు తెలిపారు. ఈమేరకు ఓ ట్వీట్ చేశారు. ‘ఇప్పటివరకూ చేసిన ప్రతి సినిమా అభిమానులను అలరించడం కోసమే చేశారు. నన్ను, నా సినిమాలను ఇంతగా ఆదరిస్తున్నందుకు అభిమానులు, ప్రేక్షకులకు ధన్యవాదాలు. కెరీర్లో ఎత్తుపల్లాలున్నా అభిమానులు ఎప్పుడూ నాకు అండగానే నిలిచారు. దేవర (Devara) ఫస్ట్ లుక్ కి వచ్చిన స్పందన అద్భుతమైన అనుభూతిని మిగిల్చింది. మీ అందరికీ కృతజ్ఞతలు’ అని అన్నారు.
మరోవైపు.. ఎన్టీఆర్ కెరీర్లో బ్లాక్ బస్టర్ హిట్ సింహాద్రిని ఆయన పుట్టినరోజు సందర్భంగా అభిమానులు 4కెలో ప్రపంచవ్యాప్తంగా విడుదల చేశారు. మొత్తంగా 150 ధియేటర్లలో విడుదల చేయడంతో అభిమానుల కోలాహలం నెలకొంది. మొత్తంగా 1210 షోలు ప్రదర్శించి రికార్డు నెలకొల్పారు. ప్రపంచంలోనే అతిపెద్ద ఐమాక్స్.. మెల్ బోర్న్ ఐమాక్స్ లో సైతం సినిమాను ప్రదర్శించారు. దీంతోపాటు ఎన్టీఆర్ కొత్త సినిమా దేవర ఫస్ట్ లుక్ ని కూడా అభిమానులు సెలబ్రేట్ చేసుకున్నారు.
Grateful ❤️ pic.twitter.com/LOKvb00tBj
— Jr NTR (@tarak9999) May 20, 2023