నా భార్య నమ్మడం వల్లే ఇక్కడ నేను ఉన్నా : జబర్దస్త్‌ దొరబాబు

జబర్దస్త్‌ కమెడియన్‌, హైపర్‌ ఆది టీమ్‌ మెంబర్‌ అయిన దొరబాబు గురించి ఎప్పుడు ఏదో ఒక విషయం సోషల్ మీడియాలో ట్రెండ్‌ అవుతూనే ఉంటుంది. కెరీర్‌ ఆరంభంలో ఆయన చాలా క్లిష్ట పరిస్థితులు ఎదుర్కొన్నాడు. ఆయన బి గ్రేడ్‌ సినిమాలు.. వీడియోల్లో కూడా నటించాడు. ఆ విషయాన్ని పదే పదే దొరబాబు పై పంచ్‌ లు వేస్తూ ఆది అతడిని హైలైట్‌ అయ్యేలా చేశాడు. ఇప్పుడు హైపర్‌ ఆదికి ఆయన వైజాగ్‌ లో దొరికి పోయిన విషయం దొరికింది. పదే పదే దొరబాబు అక్కడ దొరికిన విషయాన్ని చెబుతూ పంచ్‌ లు వేస్తూ నవ్విస్తూ ఉన్నాడు.

ఆ రోజు ఏం జరిగింది.. అసలు నిజంగానే దొరబాబు వ్యభిచారంలో అరెస్ట్‌ అయ్యాడా అంటూ ఇప్పటికి చాలా మంది అనుమానం వ్యక్తం చేస్తూ ఉన్నారు. ఆ రోజు దొరబాబు మరియు పరదేశిలు ఇద్దరు కూడా నిజంగానే పట్టుబడ్డారు. పోలీసులు వారిని అరెస్ట్‌ చేసి పోలీసు స్టేషన్‌ కు తీసుకు వెళ్లారు. రోజా మరియు ఆది సహకారం వల్ల వారు మళ్లీ బయటకు వచ్చారు. అదే సమయంలో దొరబాబు భార్య సోషల్‌ మీడియా ద్వారా ముందుకు వచ్చి తన భర్త గురించి తనకు అంతా తెలుసు అని ఆయన ఏ తప్పు చేయలేదు అంటూ నమ్మకం పెట్టుకున్నట్లుగా ఆమె చెప్పింది.

తాజాగా ఒక టాక్ షో లో దొరబాబు మరోసారి ఆ నాటి సంఘటనను గుర్తు చేసుకుని ఎమోషన్‌ అయ్యాడు. ఆ సమయంలో తన భార్య అమూల్య సహకారం అందించకుంటే నేను ఈ రోజు ఇలా మీ ముందు ఉండేవాడిని కాదు. ఆమె నన్ను నమ్మడం వల్లే ఇతరులు అంతా కూడా నన్ను నమ్మారు. ఆమెకు నేను ఎప్పటికి రుణపడే ఉంటాను అన్నాడు. ఆ రోజు ఏం జరిగింది అనేది నాకు నా భార్యకు మాత్రమే తెలుసు. ఇతరులకు అన్ని విషయాలను చెప్పాల్సిన అవసరం లేదు అన్నాడు.