నేడు ఐపీఎల్ లో ముంబై , చెన్నై జట్ల మధ్య మొదటి క్వాలిఫైయర్ మ్యాచ్ …

ఐపీఎల్ లీగ్ మ్యాచ్ లు ముగిసేసరికి పాయింట్ ల పట్టిక లో తొలి రెండు స్థానాలలో ఉన్న ముంబై ఇండియన్స్, చెన్నై జట్ల మధ్య మొదటి క్వాలిఫైయర్ మ్యాచ్ చెన్నై లోని చెపాక్ స్టేడియం లో జరుగనుంది. ఇరు జట్ల మధ్య లీగ్ దశలో జరిగిన రెండు మ్యాచ్ లలో ముంబై ఇండియన్స్ జట్టే గెలుపొందింది. ఆ రెండు ఓటములకు ఎలాగైనా క్వాలిఫైయర్ మ్యాచ్ లో గెలిచి ప్రతీకారం తీర్చుకోవాలని చెన్నై జట్టు ఆశిస్తుంది .

ఇకపోతే ఇప్పటి వరకు ఐపీఎల్ చరిత్రలో ఈ రెండు జట్లు 26 మ్యాచ్ లలో తలపడగా ముంబై ఇండియన్స్ జట్టు 15 మ్యాచ్ లలో, చెన్నై సూపర్ కింగ్స్ జట్టు 11 మ్యాచ్ లలో గెలుపొందాయి. మొదటి క్వాలిఫైయర్ మ్యాచ్ లో నెగ్గిన జట్టు ఐపీఎల్ ఫైనల్ కి చేరుకుంటుంది.

పిచ్ ఎలా ఉండబోతుంది

చెన్నై, ముంబై జట్ల మధ్య జరిగే మొదటి క్వాలిఫైయర్ మ్యాచ్ చెన్నై లోని చెపాక్ స్టేడియం లో జరగనుంది. ఇప్పటి వరకు ఈ సీజన్ లో జరిగిన అన్ని మ్యాచ్ లలో స్పిన్నర్లదే హావా కొనసాగింది . ఈ మ్యాచ్ లో కూడా పిచ్ స్పిన్నర్లకు అనుకూలించే అవకాశాలు ఉన్నాయి. మొదట బ్యాటింగ్ చేసే జట్టు 175 పరుగులకు పైగా లక్ష్యాన్ని ఉంచగలిగితే ఆ జట్టుకి గెలిచే అవకాశాలు మెరుగ్గా ఉంటాయి. చెన్నై సూపర్ కింగ్స్ జట్టు చెపాక్ స్టేడియం లో చివరిసారిగా ముంబై పైన 2010 లో గెలిచింది , తరువాత ముంబై తో చెపాక్ లో జరిగిన ఒక్క మ్యాచ్ లో కూడా చెన్నై జట్టు గెలుపొందలేదు.

ఇరు జట్ల కీలక ఆటగాళ్లు

ముంబై తరుపున బ్యాటింగ్ లో ఓపెనర్లు డికాక్, రోహిత్ లు కీలకం కానున్నారు, ఈ ఇద్దరిలో ఒకరు రాణించిన ఆ జట్టు భారీ స్కోర్ చేయగలుగుతుంది . ముంబై జట్టు ఆల్ రౌండర్ లు అయినా హార్దిక్ పాండ్య , పొలార్డ్ , కృనాల్ పాండ్య లు చెన్నై జట్టు పైన ఎంత ప్రభావం చూపుతారో వేచి చూడాల్సిందే .. ఇక బౌలింగ్ లో లసిత్ మలింగా , జస్పిరిత్ బుమ్రా లతో బలంగా కనిపిస్తుంది .

ఇకపోతే చెన్నై సూపర్ కింగ్స్ జట్టు లీగ్ దశలో ఆకట్టుకున్న ముంబై జట్టు తో జరిగిన రెండు మ్యాచ్ లలో ఓటమి పొందింది , ఈ మ్యాచ్ లో ముంబై పైన ధోని ఎలాంటి కీలక నిర్ణయాలు తీసుకుంటారో చూడాలి . గాయం కారణంగా కేదార్ జాదవ్ ఈ మ్యాచ్ కి అందుబాటులో ఉండకపోవచ్చు . ఇక ఫామ్ లో లేని షేన్ వాట్సన్ కీలకమైన క్వాలిఫైయర్ మ్యాచ్ లో అయినా తన బ్యాట్ కి పనిచెప్తాడో వేచి చూడాలి . ముంబై జట్టు బ్యాటింగ్ ని కట్టడి చేయగలిగితే చెన్నై జట్టు కి విజయావకాశాలు ఉంటాయి …