Hyper Adi: తెలుగు చిత్రసీమ అనే యుద్ధభూమిలో సైన్యాధ్యక్షుడిగా యోధుల్ని ఢీకొట్టి 30ఏళ్లకుపైగా ఏలిన వ్యక్తి మెగాస్టార్ చిరంజీవి.
- అన్నయ్య చిరంజీవి ఇంద్రసేనాని అయితే.. తమ్ముడు పవన్ కల్యాణ్ జనసేనాని..
- ఎవరి గురించైనా మాట్లాడితే వినేవారికి గూస్ బంప్స్ వస్తాయి.. మాట్లాడేవారికే గూస్ బంప్స్ వస్తే అది చిరంజీవి గురించే..
- హీరోలకు ఫ్యాన్స్ ఉంటే.. చిరంజీవి గారికి హీరోలే ఫ్యాన్స్ ఉంటారు..
- ఆస్తులు సంపాదించడం కంటే అభిమానుల్ని సంపాదించడమే ధ్యేయంగా పెట్టుకుని ఎదిగిన వ్యక్తి చిరంజీవి
- పాత తరానికి కొత్త తరానికి వారధి చిరంజీవి.. కోట్లాదిమంది అభిమానులకు సారధి చిరంజీవి..
- ప్రతి ఇంట్లో ఫ్యాన్ ఉంటదో లేదో తెలీదు కానీ.. ప్రతి ఇంట్లో ఖచ్చితంగా మెగాస్టార్ ఫ్యాన్ ఉంటాడు..
- టికెట్లకు క్యూలైన్లో చొక్కా చిరిగితే చిరంజీవి సినిమాకి టికెట్ తెగినట్టు.. చిరక్కపోతే టికెట్ దొరకనట్టు..
ఇంకా ఎన్నో.. ఎన్నెన్నో.. మాటలు. అబ్బబ్బా..! ఇవి నోటి నుంచి వచ్చిన మాటలా.. ఏకే47 నుంచి వచ్చిన తూటాలా..! ఎదురుగా చిరంజీవి, ఫ్యాన్స్ కోలాహలం.. అయినా బెదరలేదు అదరలేదు.. మాటలన్నీ అలవోకగా, ఆసువుగా వచ్చేస్తుంటే ఫ్యాన్స్ అరచి అరచి అలసిపోతున్నా ఆగని ప్రవాహం.. డ్యామ్ గేట్లు ఎత్తేసిన ప్రవాహంలా..! ప్రతిమాటా వినసొంపే.. కళ్లను చెమర్చే తడే. ఇంతకీ ఇన్ని మాటలు మాట్లాడింది ఎవరనేగా.. జబర్దస్త్ లో పాపులర్ అయి.. సినిమాల్లో ప్రముఖ కమెడియన్ గా రాణిస్తున్న హైపర్ ఆది. భోళా శంకర్ ప్రీ-రిలీజ్ ఈవెంట్లో హైపర్ ఆది తన హైపర్ ఎనర్జీతో ప్రసంగించారు.
ఆది మాటలకు చిరంజీవి సైతం చలించిపోయారు. ఆయన కళ్ల నుంచి ఆనందభాష్పాలే వచ్చాయి. మాటకు ఈ చివర చిరంజీవి.. మాటకు ఆ చివర పవన్ కల్యాణ్. వీరి గురించి ఆది చెప్పని డైలాగ్ లేదు. ముఖ్యంగా చిరంజీవి తన 40ఏళ్ల కెరీర్లో సాధించిన ఘనతల్ని ఆది చెప్పుకొచ్చిన తీరు.. ప్రపంచంలోని మొత్తం మెగాభిమానుల అందరి కంఠం నుంచి ఒక్కసారిగా ప్రతిధ్వనించిన ఘంటారావాలే అయ్యాయి. వీటన్నింటి చదవడం కంటే.. వీక్షిస్తే ఆది 13నిముషాల స్పీచ్ మనకి మరో చిరంజీవి సినిమా చూసినట్టే.. మీరూ ఓ లుక్కేయండి..