సంక్రాంతి అనేది తెలుగు సినిమాకు అతిపెద్ద పండగ. సంక్రాంతి సీజన్ కు కొంచెం యావరేజ్ గా ఉన్న చిత్రం వచ్చినా సరే అది బ్లాక్ బస్టర్ అయ్యి కూర్చుంటుంది. ప్రతీ సంక్రాంతికి రెండు పెద్ద సినిమాలు, ఒక చిన్న సినిమా రావడం ఆనవాయితీ. ఒక్కోసారి నాలుగు సినిమాలు వచ్చిన సందర్భాలు కూడా ఉన్నాయి. కాకపొతే 2024 సంక్రాంతికి మాత్రం అరడజను చిత్రాలు విడుదల తేదీలు ప్రకటించుకున్నాయి.
ముందుగా సూపర్ స్టార్ మహేష్ బాబు, స్టార్ దర్శకుడు త్రివిక్రమ్ శ్రీనివాస్ కాంబినేషన్ లో రూపొందుతోన్న గుంటూరు కారం జనవరి 12న విడుదల కానుంది. ఇక రవితేజ ఈగిల్ జనవరి 13న రానున్నట్లు తెలిపింది.
సోషియో ఫాంటసీ యాక్షన్ చిత్రం హనుమాన్, విజయ్ దేవరకొండ – పరశురామ్ ల ఫ్యామిలీ స్టార్ సంక్రాంతికే రానున్నాయి. వీటితో పాటు సీనియర్ హీరోలు నాగార్జున – నా సామి రంగ, వెంకటేష్ సైంధవ్ లు కూడా సంక్రాంతికి వస్తున్నట్లు ప్రకటించాయి.
మరి వీటిలో కనీసం రెండు సినిమాలు వెనక్కి తగ్గితే కానీ పనవ్వదు. చూడాలి మరి.