యువ కథానాయకుడు నిఖిల్‌ సిద్ధార్ద్‌ చిక్కుల్లో పడ్డాడు. తన కొత్త సినిమా ఎప్పుడు రిలీజ్‌ అవుతుందో తెలియని గందరగోళ పరిస్థితి నిఖిల్‌ని వెంటాడుతోంది. సినిమా పూర్తయిపోయింది. సెన్సార్‌ కూడా అయిపోయింది. మే 1న సినిమా విడుదల కావల్సి ఉండగా, ఇంగ్లీష్‌ సినిమా ‘అవెంజర్స్‌’ పేరు చెప్పి, నిఖిల్‌ సినిమాని వెనక్కి నెట్టేశారు. ‘మహర్షి’ రిలీజైతే కానీ నిఖిల్‌ సినిమాకి లైన్‌ క్లియర్‌ అయ్యేలా కనిపించడం లేదు. అసలేంటీ సమస్య.? నిఖిల్‌కే ఎందుకిలా జరుగుతోంది.? సినిమా రిలీజ్‌ వాయిదా పడడం కొత్తేమీ కాదు. కానీ ఒక్క సినిమాకి వంద అడ్డంకులు.. అంటే కాస్త సీరియస్‌గా ఆలోచించాల్సి విషయమిది.
నిఖిల్‌ – లావణ్య త్రిపాఠి జంటగా నటించిన సినిమాకి టి.ఎన్‌.సంతోష్‌ దర్శకత్వం వహించాడు. మొదట ఈ సినిమాకి ‘ముద్ర’ అనే టైటిల్‌ పెట్టారు. అయితే, ఎవరికీ తెలియని ఓ సినిమా ‘ముద్ర’ పేరుతో విడుదలైపోయింది కొన్నాళ్ల క్రితం. జగపతిబాబు నటించిన సినిమా అది. నిఖిల్‌ సినిమా పోస్టర్స్‌తో జగపతిబాబు సినిమాని సేల్‌ చేసుకున్నారు ధియేటర్స్‌ వాళ్లు. దీని వెనక కుట్ర కోణం దాగి ఉందనీ నిఖిల్‌ అభిమానులు ఆందోళన చెందారు. నిఖిల్‌ కూడా తన సినిమాకి జరుగుతున్న అన్యాయంపై గళం విప్పాడు.
తెర వెనక ఏం జరిగిందో కానీ, ‘ముద్ర’ టైటిల్‌ని మార్చేందుకు నిఖిల్‌ ఒప్పుకోక తప్పలేదు. కొత్త టైటిల్‌ కోసం అభిమానుల్నే అడిగాడు. సోషల్ మీడియాలో ఎక్కువ మంది అభిమానులు ‘అర్జున్ సురవరం’ అనే టైటిల్‌కి ఓటేశారు. ఎప్పుడో విడుదలవ్వాల్సిన ‘అర్జున్ సురవరం’ అనేక కారణాలతో వాయిదాల పడుతూ వచ్చింది. ఇప్పుడు ‘అవెంజర్స్‌’ అనే ఇంగ్లీష్‌ సినిమా, ఓ స్ట్రెయిట్‌ తెలుగు సినిమా రిలీజ్‌ని అడ్డుకోవడమంటే, తెర వెనక ఓ పెద్ద కథే నడిచి ఉండాలని నిఖిల్‌ అభిమానులు అనుమానిస్తున్నారు.
‘ఒక సంవత్సరం గ్యాప్‌, మంచి సినిమాతో, ఒక మంచి పాయింట్‌తో నాతో పాటు చాలా మంది టెక్నీషియన్లు చాలా కష్టపడి కార్మిక దినోత్సవం రోజు మీ అందరి కోసం రావాలనుకున్న తరుణంలో ‘అవెంజర్స్‌’ కోసం ఎదురుదెబ్బ’ అంటూ నిఖిల్‌ వ్యక్తం చేసిన బాధలో డెప్త్‌ అందరికీ అర్దమవుతోంది. ‘డిస్ట్రిబ్యూటర్స్‌ నిర్ణయాన్ని గౌరవిస్తూ, వారిచ్చే గ్రాండ్‌ రిలీజ్‌ డేట్‌ కోసం ఎదురు చూస్తున్నాను..’ అంటూ అభిమానులకు నిఖిల్‌ క్షమాపణలు చెప్పాడు.
కర్ణాటకలో కావచ్చు, తమిళనాడులో కావచ్చు. అక్కడి నేటివ్‌ లాంగ్వేజ్‌ సినిమాలకు ఇచ్చే ప్రాధాన్యత చాలా ఎక్కువ. కర్ణాటకలో అయితే డబ్బింగ్‌ సినిమాల్ని రిలీజ్‌ చేయనిచ్చే వారు కాదు. కానీ, ఇక్కడ ఓ డబ్బింగ్‌ సినిమా కోసం అదీ ఓ హాలీవుడ్‌ సినిమా కోసం తెలుగు సినిమాకి అవకాశం లేకుండా చేయడం చాలామందిని ఆశ్చర్యపరుస్తోంది. టైటిల్‌ మార్పు దగ్గర నుండీ, సినిమా రిలీజ్‌ వరకూ ఓ యువ హీరోకి ఇన్ని సమస్యలా.? పైగా ప్రామిసింగ్‌ హీరో అనిపించుకున్న నిఖిల్‌ సిద్దార్ద్‌ పరిస్థితే ఇలా ఉంటే, ఇంకా చిన్న హీరోల మాటేంటీ.? బహుశా ఈ దారుణం నిఖిల్‌కి బంపర్‌ ఆఫర్‌ అనుకోవాలేమో. ఎవరో అతన్ని గట్టిగా టార్గెట్‌ చేసి ఉంటారేమో అనుకోకుండా ఉండగలమా.?
984693 781723Greetings! Quick question thats completely off topic. Do you know how to make your site mobile friendly? My weblog looks weird when viewing from my iphone. Im trying to locate a template or plugin that may be able to fix this problem. Should you have any recommendations, please share. Appreciate it! 482459