హీరోల స్థాయిలో క్రేజ్ ఉన్న బుల్లి తెర యాంకర్ ప్రదీప్. ఈయన ప్రస్తుతం హీరోగా పరిచయం కాబోతున్న విషయం తెల్సిందే. బుల్లి తెర సూపర్ స్టార్ అంటూ అమ్మాయిలు ముద్దుగా పిలుచుకునే ప్రదీప్ ఆమద్య ‘పెళ్లి చూపులు’ అనే షోను చేశాడు. ఆ షోలో పాల్గొని విజేతలుగా నిలిచిన వారిని ప్రదీప్ పెళ్లి చేసుకుంటాడు అంటూ ప్రచారం జరిగింది. పెళ్లి చూపులు షో వివాదాస్పదం అవ్వడంతో చాలా స్పీడ్గా ముగించేశారు. అయితే అందులో విజేతగా నిలిచిన జ్ఞానేశ్వరితో ప్రదీప్ ప్రేమ వ్యవహారం సాగిస్తున్నాడంటూ గత కొన్ని రోజులుగా మీడియాలో వార్తలు వస్తున్నాయి.
జ్ఞానేశ్వరితో డేటింగ్ చాటింగ్ అంటూ ప్రదీప్ చాలా దూరం వెళ్లాడంటూ వస్తున్న వార్తలపై ఆమె స్పందించింది. తాను ప్రముఖ కంపెనీలో జాబ్ చేస్తున్నాను. నాకు ఆసక్తి లేకున్నా కూడా స్నేహితురాలి ప్రోద్బలంతో పెళ్లి చూపులు షోకు వెళ్లాను. అక్కడ చేసింది అంతా కూడా నటనే. నేనే కాదు అందరు కూడా అక్కడ నటించారు. ప్రదీప్ అంటే అభిమానం ఉన్నా కూడా ఆయన్ను మాత్రం నేను ప్రేమించడం లేదు అంటూ క్లారిటీ ఇచ్చింది.
ప్రదీప్ను తాను పెళ్లి చేసుకోబోతున్నట్లుగా వస్తున్న వార్తలను కూడా కొట్టి పారేసింది. ప్రస్తుతానికి పెళ్లి ఆలోచన లేదని క్లారిటీ ఇచ్చిన జ్ఞానేశ్వరి మళ్లీ నటించాలనే ఆసక్తి కూడా లేదంటూ చెప్పుకొచ్చింది. జ్ఞానేశ్వరి విషయమై చాలా మంది ప్రదీప్ను తిడుతూనే ఉంటారు. అమ్మాయికి ఆశలు కల్పించి మోసం చేశాడు అంటూ కామెంట్స్ చేస్తున్నారు. తాజాగా జ్ఞానేశ్వరి క్లారిటీ ఇవ్వడంతో ప్రదీప్ కాస్త రిలాక్స్ అవ్వొచ్చు అన్నమాట.
444922 220539Some genuinely excellent info , Gladiola I observed this. 481604
51638 864055hey there, your internet site is low cost. We do thank you for function 150797