ఈసారి నామినేషన్స్లో వుంటానంటూ వరుణ్ సందేశ్ ఎందుకు అత్యుత్సాహం చూపాడు.? రాహుల్ సిప్లిగంజ్ మీద విపరీతమైన ప్రేమాభిమానాలు ఎందుకు కురిపించేశాడు.? రాహుల్ ఎలిమినేట్ అయ్యాడని తెలిసి వరుణ్ ఎందుకు ఏడ్చేశాడు.? అది ఫేక్ ఎలిమినేషన్ అని తెలిసి, వరుణ్ ఎందుకు హ్యాపీ ఫీలయ్యాడు.? ఎలిమినేషన్కి నామినేట్ అయ్యే క్రమంలో వరుణ్, రాహుల్ని ఎందుకు సేవ్ చేసి, తాను ఎలిమినేషన్కి సిద్ధమయ్యాడు.? ఇవన్నీ సిరీస్ ఆఫ్ ఇన్సిడెంట్స్ గనుక, వీటిని పరిశీలిస్తే.. నేటి ఎపిసోడ్లో జరగనున్న ‘గొడవ’ మీద ఓ క్లారిటీ వచ్చేస్తుంది.
టాస్క్ సందర్భంగా వరుణ్ – రాహుల్ దాదాపుగా కొట్టేసుకున్నారు. ఆ విషయమై పెద్ద రచ్చే జరిగింది. ఇదంతా బిగ్బాస్ తాజా ప్రోమోలో కన్పిస్తోంది. ఫిజికల్ టాస్క్లలో గొడవలు మామూలే. రాహుల్ – వరుణ్ మధ్య నిజంగా అంత గొప్ప స్నేహమే వుండి వుంటే.. ఇంతలా గొడవ పడేవారే కాదు. మధ్యలో రవికృష్ణ హంగామా, ఆ తర్వాత శ్రీముఖి పండగ చేసుకోవడం.. ఇవన్నీ ప్రోమోలో కన్పిస్తున్నాయి. ఏ సీన్తో దేనికి లింక్ పెట్టాలో ప్రోమో చూసి ఓ అవగాహనకు వచ్చేయలేం.
ప్రోమో చూపించి, ఆడియన్స్ని షో వైపుకు తిప్పుకునే ప్రయత్నం చేస్తున్న బిగ్బాస్ నిర్వాహకులు, ఎపిసోడ్ చూశాక మాత్రం, ప్రేక్షకుల మెప్పు పొందలేకపోతున్నారు. ప్రతిసారీ ఇదే జరుగుతోంది. వరుణ్ – రాహుల్ మధ్య గొడవ పెట్టడానికే ఫేక్ ఎలిమినేషన్ పెట్టించి, ఫేక్ ఎమోషన్స్ తెప్పించి.. ఇప్పుడు ఇదిగో ఈ రచ్చ టాస్క్ చేయిస్తున్నారనే అభిప్రాయం కలుగుతోంది అందరిలో.
‘హౌస్లో జరిగేది కొంత మాత్రమే, చూపించేది మాత్రం కొండంత..’ అంటూ హౌస్ నుంచి ఎలిమినేట్ అయినవారంతా చెబుతున్నారు. సో, హౌస్లో జరిగే విషయాలపై పూర్తిగా ఓ నిర్ధారణకు వచ్చేసి, ఎవరో ఒకర్ని నిందించేయలేమిక్కడ. పేరులో వున్న రియాల్టీ షోలో ఏమాత్రం కన్పించదు. అదే బిగ్ బాస్ మాయ!