ఎక్కడో తీగ లాగితే, ఇంకెక్కడో డొంక కదిలిట్టు.. బెంగళూరు డ్రగ్స్ రాకెట్ వ్యవహారం కాస్తా, తెలంగాణలో ముగ్గురు ఎమ్మెల్యేల మెడకు చుట్టుకుంటోందట. అందులో ఓ ఎమ్మెల్యే పేరు దాదాపుగా ఖాయమైపోయిందని అంటున్నారు. ఇంతకీ ఎవరా ఎమ్మెల్యే.? ఏమా కథ.? అంటే, అది మాత్రం ప్రస్తుతానికి సస్పెన్సేనట.
క్యాబ్స్ ద్వారా ‘బెంగళూరు నుంచి హైదరాబాద్’కి మత్తు మందులు (డ్రగ్స్) సరఫరా జరుగుతోందనీ, అదీ సదరు ఎమ్మెల్యేల కనుసన్నల్లోనే జరుగుతోందంటూ ఓ వార్త బయటకు వచ్చింది. అయితే, సదరు ఎమ్మెల్యేలు ఎవరు.? అధికార పార్టీకి చెందినవారా.? విపక్షాలకు చెందినవారా.? అన్నదానిపై భిన్నవాదనలు వినిపిస్తున్నాయి.
హైద్రాబాద్ భాగ్యనగరమే కాదు.. డ్రగ్స్ విచ్చలవిడిగా దొరకే నగరం కూడా.. అని గతంలోనూ పలు సందర్భాల్లో నిరూపితమయ్యింది. పలువురు సినీ ప్రముఖులపై డ్రగ్స్ ఆరోపణలు వచ్చాయి. ఓ సినీ ప్రముఖుడి సోదరుడు (ఆయన కూడా సినీ నటుడే) డ్రగ్స్ కేసులో అరెస్టయ్యాడు. పలువురు యువ హీరోలు, ఓ దర్శకుడు, ఓ క్యారెక్టర్ ఆర్టిస్ట్, ఓ హీరోయిన్.. ఇలా పలువుర్ని డ్రగ్స్ కేసులో పోలీసులు విచారించారు.
ఇక, బెంగళూరు డ్రగ్స్ కేసు విషయానికొస్తే, అక్కడా ఈ మధ్య ఇలాంటి ఘటనలు తరచూ వెలుగు చూస్తున్నాయి.. ఇద్దరు హీరోయిన్లు ఇటీవలే అరెస్టయ్యారు.. వారికి కాస్త కష్టంగానే అయినా బెయిల్ దొరికింది. చిత్రమేంటంటే, డ్రగ్స్ కేసులో బెంగళూరులో దొరికిన ఓ హీరోయిన్, తెలుగు సినీ పరిశ్రమలోనూ పలు సినిమాలు చేసింది. ఇక, పొలిటికల్ లీడర్స్ వ్యవహారానికి వస్తే, తెలంగాణ ఉద్యమకారుడు.. అన్న పేరు ప్రముఖంగా వినిపిస్తుండడం గమనార్హం. ఇంతకీ ఎవరాయన.? ఏమోగానీ, రాజకీయ నాయకుల ప్రమేయం లేకుండా ఏ డ్రగ్స్ వ్యవహారమూ వుండదనే చర్చ సర్వత్రా జరుగుతోంది.
721651 287019hello, i came in to learn about this subject, thanks alot. will put this internet site into my bookmarks. 200012