నేను విప్పి చూపిస్తే నాన్నకి నచ్చదు: దిశా పటానీ

మోడలింగ్‌ రంగంలోకి వచ్చాక ఎక్స్‌పోజింగ్‌ చెయ్యకపోతే కుదరదు. మోడలింగ్‌, సినిమా రంగాల్ని ఎంచుకోవడమంటేనే గ్లామరస్‌ ప్రపంచంలోకి అడుగు పెట్టినట్లు అర్థం. అలాంటప్పుడు అన్నీ మూసుకుని కూర్చుంటానంటే అవకాశాలెలా వస్తాయ్‌.? అని ప్రశ్నించడం అందాల భామలకి అలవాటే. ఈ విషయంలో దిశా పటానీ రెండాకులు ఎక్కువే చదివేసింది. ఎక్స్‌పోజింగ్‌లో ఎప్పుడో మాస్టర్‌ డిగ్రీ చేసేసిన దిశా పటానీని కేవలం ‘సెక్స్‌ బాంబ్‌’లా మాత్రమే చూడలేం.

ఎందుకంటే, దిశా పటానీ మల్టీ టాలెంటెడ్‌. తెలుగులో ‘లోఫర్‌’ సినిమాతో నిరాశపర్చినా, బాలీవుడ్‌లో మంచి మంచి సినిమాలే చేసింది. ఎక్స్‌పోజింగ్‌ సంగతి పక్కన పెడితే, దిశా పటానీ డేరింగ్‌ అండ్‌ డాషింగ్‌ గర్ల్‌. ఇందులో ఇంకో మూటకు ఆస్కారమే లేదు. అయితే, గ్లామరస్‌గా కన్పించే క్రమంలో ఏ స్థాయిలో ఎక్స్‌పోజింగ్‌ చేసినా, దిశా పటానీకి నాన్నంటే భయమేనట.

‘నన్ను గ్లామరస్‌గా చూసేందుకు నాన్న అస్సలేమాత్రం ఇష్టపడరు. బహుశా ఆయనకు నా ఫొటోలు చూసే అవకాశమే వుండకపోవచ్చు. అయినాగానీ, ఆయన్ని ఫేస్‌ చేయడానికి నేను కొంత ఇబ్బంది పడతాను. అయితే అమ్మతో ఆ సమస్య లేదు నాకు’ అని తాజాగా ఓ ఇంటర్వ్యూలో చెప్పింది దిశా పటానీ.

నాన్నకు నచ్చని పని ఎందుకు చేస్తున్నావ్‌? అనడిగితే, ‘నాకు నచ్చిన కెరీర్‌ని ఎంచుకునే స్వేచ్ఛని నా తల్లిదండ్రులు నాకు ఇచ్చారు. ఆ రంగంలో రాణించడానికి ఏమేం చెయ్యాలో, అన్నీ చేస్తాను’ అని స్పష్టతనిచ్చింది ఈ అందాల భామ. అయితే, కేవలం ఎక్స్‌పోజింగ్‌తో మాత్రమే సినిమాల్లో అవకాశాలు రావనీ, నటనా ప్రతిభతోనే అవకాశాల్ని నిలబెట్టుకోగలుగుతామనీ దిశా పటానీ చెబుతోంది.

తాజాగా దిశా పటానీ ‘భరత్‌’ సినిమాలో నటించింది. సల్మాన్‌ ఖాన్‌ హీరోగా నటించిన ఈ బాలీవుడ్‌ మూవీ నిన్ననే ఈద్‌ సందర్భంగా ప్రేక్షకుల ముందుకొచ్చిన సంగతి తెల్సిందే. సినిమా టాక్‌ సంగతెలా వున్నా, తొలి రోజు వసూళ్ళ ప్రభంజనమే సృష్టించిందని ట్రేడ్‌ వర్గాలు చెబుతున్నాయి.