Chiranjeevi: మెగాస్టార్ (Mega Star) చిరంజీవి (Chiranjeevi) ఇంట ఈ ఏడాది వినాయకచవితి పండగ ప్రత్యేకత సంతరించుకుంది. ముద్దుల మనవరాలు, రామ్ చరణ్ (Ram Charan) కుమార్తె క్లీంకార (Klin Kaara) తో కలిసి తొలిసారి పండగ జరుపుకున్నారు. ఈమేరకు వినాయకు పూజ, కుటుంబసభ్యులతో కలిసి ఉన్న ఫొటోలు సోషల్ మీడియాలో పోస్ట్ చేసి తన ఆనందాన్ని పంచుకున్నారు. ప్రస్తుతం ఇవి నెట్టింట వైరల్ అవుతున్నాయి.
‘విఘ్నేశ్వరుడి ఆశీస్సులతో ప్రజల జీవితాల్లో విఘ్నాలు తొలిగి అందరికీ శుభాలు జరగాలని ప్రార్ధిస్తున్నా. మనవరాలు క్లీంకారతో కలిసి వినాయకచవితి పండగ జరుపుకోవడం ఈ ఏడాది నాకు మరింత ప్రత్యేకం’ అని తన వాల్ లో రాసుకొచ్చారు. ఇందుకు సంబంధించిన ఫొటోలను చిరంజీవితోపాటు రామ్ చరణ్, ఉపాసన కూడా తమ సోషల్ మీడియా ఖాతాల్లో పోస్ట్ చేశారు.
క్లీంకారను ఉపాసన (Upasana) తన ఒడిలో ఎత్తుకుని కనిపించారు. క్లీంకారను నువ్వే మాకు పరిచయం చేయాలి బాసూ.. అంటూ మెగా ఫ్యాన్స్ కోరుతున్నారు. ఈఏడాది స్వాతంత్ర దినోత్సవం, వరలక్ష్మీ వ్రతం రోజున క్లీంకారతో కలిసి ఉన్న ఫొటోలు నెట్టింట వైరల్ అయ్యాయి.
అందరికీ వినాయక చవితి శుభాకాంక్షలు !
ఆ విఘ్నేశ్వరుడి ఆశీస్సులతో జీవితాల్లో విఘ్నాలు తొలగి అందరికీ శుభములు కలగాలని ప్రార్ధిస్తున్నాను! 🙏ఈ సారి ప్రత్యేకత … చిన్ని ‘క్లిన్ కారా’ తో కలిసి తొలి వినాయక చవితి జరుపుకోవడం 😍😊
Happy Ganesh Chaturthi to ALL ! Celebrating the… pic.twitter.com/FeaFOtDdhd
— Chiranjeevi Konidela (@KChiruTweets) September 18, 2023