Khaidi: చిరంజీవి (Chiranjeevi) కెరీర్ ని కీలక మలుపు తిప్పిన సినిమా, చిరంజీవిని తెలుగు సినిమా సరికొత్త స్టార్ గా మార్చిన సినిమా ‘ఖైదీ’ (Khaidi). అప్పటి వరకూ మూస పద్ధతిలో వెళ్తున్న తెలుగు సినిమా గమనాన్ని మార్చి.. కలెక్షన్లపరంగా సరికొత్త రికార్డులు.. చిరంజీవికి తొలి ఇండస్ట్రీ హిట్ ఇచ్చిన సినిమా కూడా ‘ఖైదీ’నే. తెలుగు సినిమా డైరీలో శాస్వతంగా నిలిచే సినిమాల్లో చోటు దక్కించుకున్న ‘ఖైదీ’కి నేటితో 40ఏళ్లు పూర్తయ్యాయి. ఈ సందర్భంగా మెగాస్టార్ చిరంజీవి ఎమోషనల్ పోస్ట్ చేశారు.
‘ఖైదీ సినిమా నిజంగానే అభిమానుల గుండెల్లో నన్ను శాస్వత ఖైదీని చేసింది. నా కెరీర్ టర్నింగ్ పాయింట్ ఖైదీ. సినిమాని ప్రేక్షకులు ఆదరించిన తీరును ఎప్పటికీ మరచిపోలేనిది. ఖైదీ విడుదలై నేటికి 40ఏళ్లు పూర్తైన సందర్భంగా నాటి జ్ఞాపకాలు మెదులుతున్నాయి. ఈ సందర్భంగా దర్శకుడు ఎ.కోదండరామిరెడ్డి, నిర్మాతలు సంయుక్తా మూవీస్ టీమ్, రచయితలు పరుచూరి సోదరులు, కో-స్టార్స్ సుమలత, మాధవి, టీమ్ మొత్తానికి నా అభినందనలు. ఇంత గొప్ప విజయాన్ని మాకు అందించినందుకు తెలుగు ప్రేక్షకులకు నా హృదయపూర్వక ధన్యవాదాల’ని అన్నారు.
తెలుగు ప్రేక్షకులకు పక్కింటి కుర్రాడిలాంటి హీరోని.. కొత్తగా అభిమానుల్ని.. తెరపై డూప్ లేని ఫైట్లు, సరికొత్త డ్యాన్సులు.. మొత్తంగా తెరపై సరికొత్త ఆవిష్కరణకు ‘ఖైదీ’ నాంది పలికింది. చిరంజీవి అభిమానులకు ఖైదీ సినిమా ఎప్పటికీ ఓ ఎమోషన్. అందుకే 40ఏళ్ల ఖైదీ ప్రస్థానానికి అభిమానులు ఆనందంలో మునిగిపోయారు. ఈ సందర్భంగా చిరంజీవికి, చిత్ర యూనిట్ కి సోషల్ మీడియా వేదికగా శుభాకాంక్షలు తెలియజేస్తున్నారు.
‘ఖైదీ’ చిత్రం నిజంగానే అభిమానుల గుండెల్లో నన్ను శాశ్వత ‘ఖైదీ’ని చేసింది.
నా జీవితంలో ఓ గొప్ప టర్నింగ్ పాయింట్ ఆ చిత్రం ! ఆ చిత్రాన్ని ప్రేక్షకులు ఆదరించిన తీరు ఎప్పటికీ మరువలేనిది.
ఖైదీ విడుదలై నేటికి 40 సంవత్సరాలయిన సందర్భంగా ఒక సారి
ఆ జ్ఞాపకాలను నెమరువేసుకుంటూ ,
ఆ చిత్ర… pic.twitter.com/raY4AOTAoH— Chiranjeevi Konidela (@KChiruTweets) October 28, 2023