టీడీపీ అధినేత, ఆంధ్రప్రదేశ్ మాజీ ముఖ్యమంత్రి నారా చంద్రబాబునాయుడు, రాష్ట్ర గవర్నర్ విశ్వభూషణ్ హరిచందన్కి ఓ లేఖ రాశారు. అభివృద్ధి వికేంద్రీకరణ, సీఆర్డీయే రద్దు బిల్లులకు శాసన ఆమోదం లభించిందనీ, వాటికి ఆమోదం తెలపాలని కోరుతూ ప్రభుత్వం ఆయా బిల్లుల్ని గవర్నర్ వద్దకు పంపిన విషయం విదితమే. అయితే, గవర్నర్ ఈ బిల్లులకు ఆమోద ముద్ర వేయకూడదని అంటోంది టీడీపీ. ఈ మేరకు ఇప్పటికే పలువురు టీడీపీ నేతలు మీడియా ముందుకొచ్చి, ‘విభజన చట్టం ప్రకారం అది అన్యాయం, అక్రమం..’ అంటున్నారు.
తాజాగా ఏపీ మాజీ ముఖ్యమంత్రి, టీడీపీ అధినేత చంద్రబాబు, సుదీర్ఘంగా ఈ విషయమై గవర్నర్కి లేఖ రాశారు. విభజన చట్టంలో ‘రాజధాని’ అని మాత్రమే వుందనీ, మూడు రాజధానులు విభజన చట్టానికి వ్యతిరేకం.. అని ఆ లేఖలో పేర్కొన్నారు చంద్రబాబు. అంతే కాదు, శాసన మండలిలో బిల్లు పాస్ అవలేదనీ, శాసన మండలి ఛైర్మన్, ఈ బిల్లులపై సెలక్ట్ కమిటీల ఏర్పాటుకు నిర్ణయం తీసుకున్నారనీ, ప్రభుత్వం శాసన మండలి ఛైర్మన్ ఆదేశాల్ని ధిక్కరించిందనీ చంద్రబాబు తన లేఖలో గవర్నర్కి ఫిర్యాదు చేశారు. అయితే, అసెంబ్లీలో రెండోసారి పాస్ చేయించి, శాసన మండలికి కూడా రెండో సారి బిల్లు పంపిన దరిమిలా, నెల రోజుల తర్వాత ఆటోమేటిక్గా ఆ బిల్లులు ఆమోదం పొందినట్లేనని ప్రభుత్వం చెబుతోంది.
మరోపక్క, 3 రాజధానుల అంశాన్ని ప్రశ్నిస్తూ బీజేపీ రాష్ట్ర అధ్యక్షుడు కన్నా లక్ష్మినారాయణ, వామపక్షాల నేతలు కూడా నినదిస్తున్నారు. ఈ మేరకు గవర్నర్కి లేఖలు కూడా రాస్తుండడం గమనార్హం. ఇంతటి గందరగోళం నడుమ గవర్నర్, మూడు రాజధానుల విషయమై ఎలాంటి నిర్ణయం తీసుకుంటారన్నది చర్చనీయాంశంగా మారింది. ‘గవర్నర్ నిర్ణయం లాంఛనమే..’ అని ప్రభుత్వం ధీమాగా చెబుతోంది. అతి త్వరలో అమరావతి నుంచి పలు శాఖల్ని విశాఖకీ, ఇంకొన్ని శాఖల్ని కర్నూలుకీ తరలించేందుకు సన్నాహాలు చేస్తోంది ప్రభుత్వం.
ఈ నేపథ్యంలో గవర్నర్ నిర్ణయం ఎలా వుండబోతోందన్న ఉత్కంఠ రాష్ట్ర ప్రజల్లో కన్పిస్తోంది. గవర్నర్ ఆ బిల్లుల్ని ఆమోదించినా, తమ పోరాటం ఆగబోదని టీడీపీ సహా ఇతర విపక్షాలు చెబుతున్న దరిమిలా.. ఈ వ్యవహారం రాష్ట్ర రాజకీయాల్లో ఇంకెంత వేడిని సృష్టిస్తుందో వేచి చూడాల్సిందే.
403071 95852Wohh exactly what I was searching for, regards for posting . 623079
187264 542623When I saw this page was like wow. Thanks for putting your effort in publishing this article. 712022
924526 964015I like this site quite much, Its a really good position to read and receive information . 137879