భారతీయ జనతా పార్టీ తిరుపతి ఉప ఎన్నిక నేపథ్యంలో తనదైన ‘దిక్కుమాలిన రాజకీయాన్ని’ మొదలు పెట్టింది. దుబ్బాక, గ్రేటర్ హైద్రాబాద్ ఎన్నికల నేపథ్యంలో ‘మతం కార్డు’ని ఎంత దారుణంగా ‘కమలదళం’ తెరపైకి తెచ్చిందో చూశాం. ఆ స్థాయిలో, వీలైతే అంతకు మించిన స్థాయిలో ఆంధ్రపదేశ్లో కూడా మత రాజకీయాన్ని తెరపైకి తెచ్చేందుకు బీజేపీ సమాయత్తమవుతోంది.
‘చందా బాబు.. యేసు బాబు..’ అంటూ బీజేపీ అధికారిక సోషల్ మీడియా హ్యాండిల్స్లో వచ్చిన ప్రస్తావన ఇప్పుడు ఆంధ్రపదేశ్ రాజకీయాల్లో పెను ప్రకంపనలు సృష్టిస్తోంది. దేశంలో ఇప్పటిదాకా ఏ రాజకీయ నాయకుడి విషయంలో అయినా, ఏ ముఖ్యమంత్రి విషయంలో అయినా ఇలాంటి దారుణమైన మత రాజకీయం చూశామా.? అని కొందరు ముక్కున వేలేసుకుంటున్నారు.
‘ఏం, నరేంద్ర మోడీ మీద మతం ముద్ర వేసినప్పుడు.. వైఎస్ జగన్ మీదనో మరో నేత మీదనో మతం ముద్ర వేస్తే తప్పేంటి.?’ అన్న వాదన కొత్తగా, ఒకింత ఆసక్తికరంగా తెరపైకొస్తోంది. ఎవరు ఔనన్నా ఎవరు కాదన్నా.. ఆంధ్రపదేశ్లో హిందూ మతంపై ఓ పద్ధతి ప్రకారం దాడి జరుగుతోంది. ఈ దాడి వెనుక ఎవరున్నారు.? అన్నది వేరే చర్చ. బలవంతపు మత మార్పిడులు విచ్చలవిడిగా ఆంధ్రపదేశ్లో జరుగుతున్నాయి.
‘నేను క్రిస్టియన్ని..’ అంటూనే, కేవలం దళితులకు మాత్రమే దక్కాల్సిన రిజర్వేషన్లను కొందరు పొందుతున్నారు.. కీలకమైన పదవుల్లో వున్నారు కూడా. ఈ పరిస్థితుల్లో బీజేపీ ‘మతం’ కార్డు అందుకోవడాన్ని పూర్తిగా తప్పు పట్టేయలేం. గత కొంతకాలంగా ఏపీలో ‘హిందుత్వ’ నినాదాన్ని గట్టిగా వినిపిస్తోంది బీజేపీ. అయితే, ముఖ్యమంత్రిని పట్టుకుని ‘యేసుబాబు’ అని బీజేపీ అనడాన్ని మాత్రం స్వాగతించలేం.
ముఖ్యమంత్రి ఏ మతానికి చెందినవాడన్నదానిపై ఇటీవల హైకోర్టులో ఓ పిర్యాదు విచారణకు వస్తే, ‘క్రిస్టియన్ అనడానికి ఆధారాలున్నాయా.?’ అన్న ప్రశ్న తలెత్తింది. ఆ తర్వాత ఆ కేసు నీరుగారిపోయింది. తన చుట్టూ వస్తున్న విమర్శల నేపథ్యంలో ముఖ్యమంత్రి వైఎస్ జగన్, వీలు చిక్కినప్పుడల్లా హిందూ ఆధ్మాత్మిక కార్యక్రమాల్లో పాల్గొంటున్నారు.. కాదు కాదు, విరివిగా పాల్గొంటున్నారు. అయితే, ఆయన అండ చూసుకుని కొందరు కింది స్థాయిలో బలవంతపు మతమార్పిడులకు పాల్పడుతున్నారనీ.. ఈ విషయంలో ప్రభుత్వం చూసీ చూడనట్లు వుంటోందన్న విమర్శలైతే లేకపోలేదు.
మొత్తమ్మీద, తిరుపతి ఉప ఎన్నికల వేల ‘హిందుత్వ’ ఎజెండాని అందుకున్న బీజేపీ, ‘యేసుబాబు’ విమర్శలతో అనుకున్నది సాధిస్తుందా.? వేచి చూడాల్సిందే.
అప్పట్లో చందాబాబూ – ఇప్పుడు యేసు బాబు
మోదీ గారి పథకాలపై సొంత స్టిక్కర్లు pic.twitter.com/I1Fuf0b6x9
— BJP ANDHRA PRADESH (@BJP4Andhra) March 20, 2021
606352 53436Disgrace on the search Google for no longer positioning this publish higher! Come on over and discuss with my website. 337984
995135 672057Wonderful humans speeches and toasts, possibly toasts. are hands down transferred at some time via party and expected to turn into extremely funny, amusing not to mention educational inside the mean time. very best man wedding speeches 722788