బిగ్ బాస్ రియాల్టీ షో ఏడో సీజన్ ఫస్ట్ వీకెండ్ వచ్చేసింది.! ఈ వీక్ ఎలిమినేషన్ వుంటుందా.? వుండదా.? ఎవరూ హౌస్ మేట్స్ కాదు, అందరూ కంటెస్టెంట్లేనంటూ కొత్త పితలాటకం పెట్టిన బిగ్ బాస్, హౌస్ నుంచి ఈ వారం ఎంతమందిని బయటకు పంపేస్తాడా.? అని అంతా ఉత్కంఠగా ఎదురుచూస్తున్నారు.
కాగా, తొలి వారం షకీలా లేదా కిరణ్ రాథోడ్.. ఈ ఇద్దరిలో ఎవరో ఒకర్ని.. లేదా ఇద్దర్నీ బయటకు పంపేయొచ్చన్న ప్రచారం ముందే జరిగింది. తాజాగా అందుతున్న సమాచారాన్ని బట్టి చూస్తే కిరణ్ రాథోడ్ వికెట్ పడిపోయినట్లు తెలుస్తోంది.
తెలుగులో మాట్లాడటానికి కిరణ్ రాథోడ్ చాలా ఇబ్బంది పడుతోంది. కొన్ని తెలుగు సినిమాల్లో నటించినా, కిరణ్ రాథోడ్‌కి తెలుగు రాదు. పైగా, హౌస్‌లో అంత యాక్టివ్‌గా వుండటంలేదు. డ్రెస్ సెన్స్ కూడా బాలేదు. ఇలా చాలా కారణాలతో కిరణ్ రాథోడ్‌ని బయటకు పంపేస్తున్నారట.
మరోపక్క, కొత్త కంటెస్టెంట్లు ఈ వారమే యాడ్ అవుతారా.? అంటే, దానిపై మళ్ళీ భిన్న వాదనలు వినిపిస్తున్నాయి. లైలా, కౌష.. ఇలా పలు పేర్లు ప్రచారంలోకి వచ్చినా, అవెంత నిజం.? అన్నది ప్రస్తుతానికి సస్పెన్స్.
ఇదిలా వుంటే, వీకెండ్ ఎపిసోడ్ షరామామూలుగానే నాగార్జునకి సవాల్‌గా వుండబోతోంది. నాగార్జునని ట్రోల్ చేయడానికి, కంటెస్టెంట్ల తరఫున పెయిడ్ బ్యాచ్‌గా వున్న నెటిజనం రెడీ అయిపోవడం గమనించాల్సిన విషయం. ఎవరికి క్లాసులు పీకుతాడు.? ఎవర్ని మెచ్చుకుంటాడు.? అనే కాదు, ఎవరెవరి మధ్య ‘రొమాంటిక్ లింకులు’ నాగ్ పెడతాడు.? అన్నదానిపైనా ఆసక్తికరమైన చర్చ జరుగుతోంది సోషల్ మీడియా వేదికగా.