ఆ విషయంలో తగ్గేదే లేదంటున్న .. బెల్లం బాబు ?

ప్రముఖ నిర్మాత బెల్లంకొండ సురేష్ తనయుడు బెల్లంకొండ శ్రీనివాస్ ని హీరోగా మాస్ దర్శకుడు వివి వినాయక్ దర్శకత్వంలో అల్లుడు శీను గా తెలుగు తెరకు పరిచయం చేసారు. మొదటి సినిమాతోనే మంచి మార్కులు కొట్టేసాడు బెల్లం బాబు. ఆ తరువాత ఈ బాబు నటించిన సినిమాలన్నీ వరుసగా పరాజయాలు అందుకున్నాయి. దాదాపు నాలుగైదేళ్ళ వరకు ఈ బాబుకు సరైన హిట్ మాత్రం రాలేదు. దాంతో తమిళంలో సూపర్ హిట్టయిన ఓ హర్రర్ సినిమాను తెలుగులో రాక్షసుడు పేరుతొ రీమేక్ చేసి తన వరుస పరాజయాలకు పులిస్టాప్ పెట్టాడు.

ఈ సినిమాతో జోరు పెంచిన ఈ హీరో ఇప్పుడు కొత్త సినిమా ఒప్పుకోవాలంటే పదికోట్ల రెమ్యూనరేషన్ ఇవ్వాల్సిందే అంటూ డిమాండ్ చేయడం టాలీవుడ్ నిర్మాతలను టెన్షన్ పెడుతుంది. పదికోట్ల రెమ్యూనరేషన్ అంటే దాదాపుగా నాని, హీరో రామ్ ఇలాంటి రేంజ్ ఉన్న హీరోలు వసూలు చేసే రెమ్యూనరేషన్, వారి సినిమాలకు 25 కోట్ల వరకు గ్యారంటీ రిటర్న్స్ ఉంటుంది మరి. అప్పుడే ఎలాంటి ఇమేజ్ రాకుండా బెల్లం బాబు ఇలా డిమాండ్ చేయడం ఏమిటా ? అని నిర్మాతలు టెన్షన్ పడుతున్నారు.

అసలు కెరీర్ లో ఎనిమిది సినిమాలు చేస్తే .. అందులో ఆరు ప్లాప్ లు ఉన్న హీరో ఇలా డిమాండ్ చేయడం ఏమిటా ? అంటూ సందేహాలు వ్యక్తం చేస్తున్నారు. తాజగా ఓ నిర్మాత బెల్లం బాబు తో సినిమా చేయాలనీ అతన్ని సంప్రదిస్తే .. ఈ మొత్తం అయితే తప్ప సినిమా చేయనని చెప్పాడట. పైగా తనకు ఎందుకు అంత రెమ్యూనరేషన్ ఇవ్వాలో కూడా లెక్కల్లో చెప్పేశాడట ?

బెల్లంకొండ శ్రీనివాస్ నటించిన మొదటి సినిమా అల్లుడు శీను సినిమా సూపర్ హిట్ అవ్వడంతో పాటు అటు సాటిలైట్, యూ ట్యూబ్ , హిందీ డబ్బింగ్ రైట్స్ తో కలిపి దాదాపు 25 కోట్ల వరకు రాబట్టొచ్చట. నిజమే అల్లు అర్జున్ తరువాత నార్త్ లో తెలుగు డబ్బింగ్ సినిమాల క్రేజ్ విషయంలో బెల్లం బాబు రెండో స్థానంలో ఉన్నాడు మరి. అందుకే తన సినిమా ద్వారా తప్పకుండా 25 కోట్లు సంపాదించుకునే ఛాన్స్ ఉన్నప్పుడు ఈ బాబు 10 కోట్లు డిమాండ్ చేయడం తప్పేమి కాదు కదా !!