బండి సంజయ్ కు అస్వస్థత.. ఆస్పత్రికి తరలింపు..

తనపై జిల్లా ఎస్పీ దురుసుగా ప్రవర్తించారంటూ ఎంపీ, తెలంగాణ రాష్ట్ర బీజేపీ అధ్యక్షుడు బండి సంజయ్ తన కార్యాలయంలో నిర్బంధ దీక్ష చేపట్టిన సంగతి తెలిసిందే. దీంతో ఆయన షుగర్ లెవల్స్ పడిపోవడంతో అస్వస్థతకు గురయ్యారు. వెంటనే పార్టీ నేతలు ఆయన్ను నగరంలోని అపోలో ఆసుపత్రికి తరలించారు. ఆయనకు ప్రభుత్వ వైద్యులు ఫ్లూయిడ్స్ ఎక్కించారు. ఈ సమయంలో కార్యాలయం వద్దకు బీజేపీ నాయకులు, కార్యకర్తలు భారీగా చేరుకున్నారు.

దుబ్బాక ఉప ఎన్నిక నేపథ్యంలో సిధ్దిపేటలో పోలీసులు ప్రవర్తించిన తీరుపై ఆయన సోమవారం రాత్రి నుంచి దీక్ష చేపట్టారు. తనపై దురుసుగా ప్రవర్తించిన సీపీ జోయల్ డేవిస్ ను సస్పెండ్ చేసి క్రిమినల్ చర్యలు చేపట్టాలని ఆయన డిమాండ్ చేశారు. ఈ నేపథ్యంలోనే ఆయన దీక్ష చేపట్టారు. ఓటమి భయంతోనే టీఆర్ఎస్ దుబ్బాకలో దారుణాలకు పాల్పడుతోందని ఆరోపించారు.

బండి సంజయ్ పై పోలీసుల దాడికి నిరసనగా బీజేపీ అనుబంధ విద్యార్ధి సంఘాలు ఆగ్రహం వ్యక్తం చేశాయి. ఏబీవీపీ, బీజేవైఎం హైదరాబాద్ లోని ప్రగతి భవన్ ముట్టడికి పిలుపునిచ్చాయి. ఈ నేపథ్యంలో అక్కడ భారీ పోలీస్ బందోబస్తు ఏర్పాటు చేశారు.