దేశంలో సంచలనం కలిగించిన చిత్రాల్లో కేజిఎఫ్ కు ప్రత్యేక స్థానం ఉంటుంది. పెద్దగా అంచనాల్లేకుండా విడుదలైన కేజిఎఫ్ చాప్టర్ 1 అద్భుతమైన విజయాన్ని సొంతం చేసుకుంది. భాషతో సంబంధం లేకుండా అన్ని ప్రాంతాల్లో ఈ సినిమా బ్లాక్ బస్టర్ సక్సెస్ అయింది.
ప్రస్తుతం కేజిఎఫ్ చాప్టర్ 2 విడుదలకు ముస్తాబవుతోంది. ఈ సినిమా షూటింగ్ పూర్తవ్వగా నిర్మాణాంతర కార్యక్రమాలు జరుగుతున్నాయి. ఇక ఈ చిత్రానికి సంబంధించిన ఒక ఆసక్తికర విషయం ఏమిటంటే గూగుల్ లో కేజిఎఫ్ చాప్టర్ 2 అని సెర్చ్ చేస్తుంటే నందమూరి బాలకృష్ణ కనిపిస్తుండడం అందరినీ సర్ప్రైజ్ చేస్తోంది. అందులోనూ ఆయన పాత్ర పేరు ఇనాయత్ ఖలీల్ అని చూపిస్తుండడంతో చాలా మంది నిజంగానే బాలయ్య ఈ సినిమాలో నటిస్తున్నాడేమో అనిపిస్తోంది.
అసలు విషయానికొస్తే ఈ సినిమాలో కన్నడ నటుడు బాలకృష్ణ నటిస్తుండగా గూగుల్ పొరపాటున నందమూరి బాలకృష్ణ అని చూపిస్తోంది. ప్రశాంత్ నీల్ ఈ చిత్రానికి దర్శకత్వం వహిస్తుండగా హోంబేలె ఫిల్మ్స్ నిర్మిస్తోంది.