రాజధాని వికేంద్రీకరణపై దృష్టి సారించిన ఏపీ సర్కారు.. విశాఖను ఐటీ రాజధానిగా ప్రకటించాలని యోచిస్తోంది. ఈ మేరకు కసరత్తు ప్రారంభించింది. వాస్తవానికి గత 15 సంవత్సరాలుగా ఐటీ సంస్థలు, వాటి కార్యకలాపాలతో విశాఖ కళకళలాడుతోంది. దాదాపు 25వేల మంది ఈ రంగంలో ఇక్కడ ఉపాధి కూడా పొందుతున్నారు. అయితే, రాష్ట్ర విభజన తర్వాత అధికారంలోకి వచ్చిన తెలుగుదేశం ప్రభుత్వం తొలుత విశాఖలోనే ఐటీ అభివృద్ధికి చర్యలు తీసుకున్నా.. అనంతరం మంగళగిరిపైనా దృష్టి సారించింది. దీంతో విశాఖలో ఐటీ అభివృద్ధి అనుకున్నంత వేగంగా జరగలేదు.
గత ప్రభుత్వ హయాంలో మధురవాడ, కాపులుప్పాడ వంటి ప్రాంతాల్లో భూములను చదును చేసి ఐటీ రంగానికి ఇవ్వాలని నిర్ణయం తీసుకున్నారు. ఇందులో భాగంగా అదానీ గ్రూప్ కు భూములు కూడా కేటాయించారు. అలాగే మరికొన్ని సంస్థలకు కూడా భూములివ్వాలని భావించారు. అయితే, ఇటీవల జరిగిన ఎన్నికల్లో ప్రభుత్వం మారడంతో ఐటీ అభివృద్ధిలో స్తబ్ధత ఏర్పడింది. పైగా గత ప్రభుత్వం ఆయా సంస్థలకు కేటాయించిన ప్రోత్సాహకాలు నేటికీ పూర్తిగా అందలేదు.
Also Read: ‘గంటా’ తంటా.. రాజధాని విశాఖకు రావాలంట.!
మరోవైపు విశాఖలో విప్రో, టెక్ మహీంద్ర వంటి ప్రముఖ ఐటీ కంపెనీల కార్యాలయాలు ఉన్నా.. మైక్రోసాఫ్ట్, టీసీఎస్, ఇన్ఫోసిస్, ఒరాకిల్ వంటి కంపెనీలు లేకపోవడం ఈ రంగ అభివృద్ధిపై ప్రభావం చూపుతోంది. పైగా విశాఖలోని ఐటీసెస్తోపాటు ఐటీ పార్కుల్లో సగానికిపైగా స్థలం ఖాళీగానే ఉంది. రుషికొండ ఐటీ హిల్స్తోపాటు వీఐసీ రోడ్డులోని ఐటీ స్పేస్ సైతం ఖాళీగానే ఉంది. అందుబాటులో చాలా స్పేస్ ఉన్నప్పటికీ, సౌకర్యాలపరంగా కొన్ని ఇబ్బందులు ఉండటంతో ఐటీ కంపెనీలు విశాఖపై మక్కువ చూపించడంలేదు.
విశాఖ కంటే హైదరాబాద్, బెంగళూరు, పుణె వంటి నగరాల్లో మెరుగైన వాతావరణం ఉంది. దీంతో ఐటీ సంస్థల దృష్టి కూడా ఆయా నగరాలపైనే ఉంటోంది. విశాఖ నుంచి ఇతర నగరాలకు కనెక్టివీటి కూడా సరిపోవడంలేదు. ఈ నేపథ్యంలో వీటన్నింటినీ గమనించిన జగన్ సర్కారు.. ఐటీ అభివృద్ధికి నడుం బిగించింది. విశాఖను ఐటీ రాజధాని చేయడం ద్వారా అక్కడ మెరుగైన సౌకర్యాలు కల్పించాలని యోచిస్తోంది. తద్వారా ఐటీ సంస్థలను ఆకర్షించడానికి వీలువుతుందని భావిస్తోంది. ఐటీ అభివృద్ధికి విఘాతంగా ఉన్న సమస్యలను పరిష్కరిస్తే, భవిష్యత్తులో ఐటీ రంగంలో విశాఖ అగ్రపథంలోకి దూసుకెళ్లడం ఖాయమని చెబుతున్నారు.
124773 696994I believe 1 of your advertisings triggered my internet browser to resize, you may effectively want to put that on your blacklist. 513364
526111 197629Immigration Lawyers […]the time to read or pay a visit to the content material or web sites we have linked to below the[…] 990349
679035 378455really nice put up, i surely enjoy this internet website, carry on it 496362