Rashmika: స్టార్ హీరోయిన్ రష్మిక (Rashmika Mandanna)పై ఇటివల వైరల్ అయిన డీప్ ఫేక్ వీడియో దేశవ్యాప్తంగా ఎంతటి సంచలనం సృష్టించిందో తెలిసిందే. ఈ ఘటన మరువక ముందే ఆమెపై మరో మార్ఫింగ్ వీడియో నెట్టింట్లో చక్కర్లు కొడుతోంది. కొందరు ఆకతాయిలు ఆమెపై మరో డీప్ ఫేక్ వీడియో సృష్టించి నెట్టింట్లో వైరల్ చేయడంపై మరోసారి తీవ్ర విమర్శలు వస్తున్నాయి. రష్మిక అభిమానులు సైతం ఆగ్రహం వ్యక్తం చేస్తున్నారు. ఈ వీడియోను ఎవరూ నమ్మొద్దని ఆమెకు సపోర్ట్ చేస్తూ పోస్టులు చేస్తున్నారు.
వీడియోలో రష్మిక్ జిమ్ సూట్ ధరించి ఉన్నట్టు వైరల్ చేశారు. ఆ సూట్ లో ఆమె డ్యాన్స్ చేస్తున్నట్టు, వ్యాయామంలో భాగంగా పలు భంగిమలను పోల్చి వీడియోను వైరల్ చేస్తున్నారు. దీంతో ఈ వీడియో మరోసారి వార్తలో నిలిచింది. ఇప్పటికే రష్మికపై వచ్చిన ఫేక్ వీడియోను అమితాబ్ (Amitabh Bacchan) , మంత్రి కేటీఆర్ (KTR), నాగ చైతన్య (Naga Chaitanya), కీర్తి సురేశ్ (Keerthi Suresh), విజయ్ దేవరకొండ (Vijay Devarakonda), మృణాల్ ఠాకూర్ (Mrunal Thakur) వంటి సెలబ్రిటీలు ఖండిస్తూ ఆమెకు మద్దతు నిలిచారు.