Amitabh Bachchan: బిగ్ బీ అమితాబ్ బచ్చన్ (Amitabh Bachchan) తన ముద్దుల మనవరాలు ఆరాధ్య డ్యాన్స్, స్టేజ్ పెర్ఫార్మెన్స్ తో సంతోషంలో ఉన్నారు. ఈమేరకు ఎక్స్ లో పోస్ట్ చేశారు. మనవరాలు ఆరాధ్య (Aradhya) టాలెంట్ గురించి తన బ్లాగ్ లో కూడా రాసుకొచ్చారు. ప్రస్తుతం ఈ బిగ్ బీ పోస్ట్ నెట్టింట వైరల్ అయింది. ‘ఆరాధ్య నటన ఎంతో బాగుంది. అత్యంత సహజంగా నటించి అందరినీ ఆకట్టుకుంది. ఆరాధ్య ప్రదర్శనపై మా కుటుంబం అంతా గర్వంగా ఉంద’ని అమితాబ్ అన్నారు.
బిగ్ బీ మనవరాలు ఆరాధ్య ముంబైలోని ‘ధీరుభాయ్ అంబానీ ఇంటర్నేషనల్ స్కూల్’ (Dheerubhai Ambani International school) లో చదువుతోంది. పాఠశాల వార్షికోత్సవం సందర్భంగా శుక్రవారం పలు కార్యక్రమాలు జరిగాయి. వీటికి అమితాబ్ దంపతులు, అభిషేక్ బచ్చన్ (Abhishek Bachchan), ఐశ్వర్యారాయ్ (Aiswarya Rai) హాజరయ్యారు. ఆరాధ్య స్టేజ్ షో చూసి వీరంతా మురిసిపోయారు. ఆమె డైలాగ్స్, హావభావాలు నెటిజన్లను ఆకర్షిస్తున్నాయి. వీరితోపాటు అదే స్కూల్లో చదువుతున్న తమ పిల్లల ప్రదర్శన చూసేందుకు షారుఖ్ ఖాన్ (Sharukh Khan) , కరీనా కపూర్ (Kareena Kapoor), షాహిద్ కపూర్, కరణ్ జోహార్ కూడా హాజరయ్యారు.
View this post on Instagram