లాక్ డౌన్ టైమ్ లో సోనూసూద్ వలస కార్మికులకు చేసిన సాయం గురించి ఎంత చెప్పినా తక్కవే. ప్రభుత్వాలు సైతం చేతులు ఎత్తేసిన సమయంలో వారిని మీ చావు మీరు చావండి అంటూ ప్రభుత్వం పట్టించుకోని సమయంలో వలస కార్మికుల కోసం కోట్లాది రూపాయలు ఖర్చు చేసి వారి వారి సొంత ప్రాంతాలకు తరలించాడు. వేలాది మంది వలస కార్మికులకు సాయం చేసిన ఘనత సోనూసూద్ కు దక్కింది. కేవలం దాంతో సరి పెట్టకుండా సోషల్ మీడియాలో ఎవరైనా ఇబ్బందులు పడుతున్నట్లుగా కనిపించినా లేదా సాయం కోరినా కూడా వెంటనే స్పందిస్తూ లక్షల సాయం నిమిషాల్లో చేస్తున్నాడు. దాంతో సోనూసూద్ రియల్ హీరో అయ్యాడు.
రియల్ లైఫ్ లో హీరో అయినా కూడా రీల్ లైఫ్ లో మాత్రం సోనూసూద్ విలన్ పాత్రల కోసమే సంప్రదించబడుతున్నాడు. అల్లుడు అదుర్స్ సినిమా షూట్ లో పాల్గొంటున్న సోనూసూద్ ప్రస్తుతం మరో రెండు మూడు తెలుగు సినిమాలు మరియు తమిళ హిందీ సినిమాలను కూడా చేసేందుకు ఒప్పుకున్నాడు. సోనూసూద్ కు వచ్చిన స్టార్ డం తమ సినిమాల పబ్లిసిటీకి ఉపయోగపడుతుందనే ఉద్దేశ్యంతో స్టార్ ఫిల్మ్ మేకర్స్ పలువురు తమ సినిమాల్లో సోనూ సూద్ ను నటింపజేసేందుకు ప్రయత్నాలు చేస్తున్నారు.
తన వెంట నిర్మాతలు మరియు దర్శకులు పడుతున్న కారణంగా ఈయన తన పారితోషికంను అమాంతం పెంచేశాడు. ఏకంగా డబుల్ ట్రిపుల్ చేశాడు. గతంలో రోజుకు అయిదు లక్షల వరకు పారితోషికం తీసుకునే సోనూసూద్ తనకు వస్తున్న వరుస ఆఫర్లు మరియు తనకు పెరిగిన స్టార్ డం కారణంగా భారీగా చార్జ్ చేస్తున్నాడు. ఫుల్ లెంగ్త్ రోల్ ఈయనతో చేయించాలంటే కోట్లు పట్టుకోవాల్సిన పరిస్థితి. అందుకే సోనూసూద్ అంటే చిన్న సినిమాల వారు కాస్త ఆలోచిస్తున్నారట.
866043 123852There is noticeably lots of dollars to recognize about this. I suppose you produced particular nice points in functions also. 745515