Pawan Kalyan: పవర్ స్టార్ పవన్ కల్యాణ్ (Pawan Kalyan) నటిస్తున్న ‘ఓజీ’ (OG) సినిమాలో నటి శ్రియా రెడ్డి (Sriya Reddy) కీలకపాత్ర పోషిస్తున్నారు. సలార్ లోనూ ఆమె నటించారు. ఓ ఇంటర్వ్యూలో ఆమె మాట్లాడుతూ పవన్ కల్యాణ్, ఓజీ గురించి ఆసక్తికరమైన వ్యాఖ్యలు చేశారు.
‘పవన్ కల్యాణ్ ఓజీ కథను దర్శకుడు సుజీత్ చాలా అద్భుతంగా రాసుకున్నారు. అదిరిపోయే సినిమా అవుతుంది. పవన్ ను కలిసే వరకూ ఆయన పెద్ద స్టార్ అని.. అంత స్టార్ డమ్ ఊహించలేదు. ఓజీలో నటిస్తున్నానని తెలిసి.. నేనెక్కడికి వెళ్లినా.. “మా దేవుడితో నటిస్తున్నారు కదా” అని అడుగుతుంటే ఆశ్చర్యమేసింది’.
‘ఆయను చాలా ఇమేజ్ ఉందని అర్ధమైంది. సెట్ లో మొదటిసారి పవన్ ను కలిసినప్పుడు చాలా బాగా మాట్లాడారు. సినిమాలో నటిస్తున్నందుకు చాలా సంతోషంగా ఉంది. నా పాత్రలో చాలా షేడ్స్ ఉంటాయి. సినిమా కోసం వెయిట్ చేస్తున్నా. ఖచ్చితంగా అభిమానులతో కలిసి మొదటి రోజు సినిమా చూస్తా’నని అన్నారు. ముంబై, జపాన్ బ్యాక్ డ్రాప్.. మాఫియా కథాంశంతో ఓజీ తెరకెక్కుతోంది.