బర్త్‌డే స్పెషల్‌: సౌత్ క్వీన్‌ సమంత

తెలుగు ప్రేక్షకులు ఏమాయ చేశావే అనేంతగా మొదటి సినిమాతోనే ఆకట్టుకున్న ముద్దుగుమ్మ సమంత ప్రస్తుతం టాలీవుడ్‌ మరియు కోలీవుడ్‌ తో పాటు ఉత్తరాది ప్రేక్షకులను కూడా ఎంటర్‌ టైన్‌ చేస్తూనే ఉంది. పెళ్లి తర్వాత సాదారణంగా అయితే హీరోయిన్స్ కు ఆఫర్లు తగ్గుతాయి. కాని సమంతకు ఆఫర్లు తగ్గలేదు. కాని ఆమె ఆచితూచి సినిమాలను ఎంపిక చేసుకుంటుంది. సినిమాల సంఖ్య పెంచుకోవడమే ఉద్దేశ్యం కాకుండా మంచి పాత్రలు చేయాలని సమంత కోరుకుంటుంది. ప్రస్తుతం ఈమె తమిళంలో రెండు సినిమాలు చేస్తోంది. హిందీలో ఒక వెబ్‌ సిరీస్ నటించింది. అది విడుదల కావాల్సి ఉంది. ఇక తెలుగులో శాకుంతలం సినిమాను చేస్తోంది.

లేడీ ఓరియంటెడ్‌ చిత్రాలకు పెట్టింది పేరు అన్నట్లుగా మారిపోయిన ఈ అమ్మడు ప్రస్తుతం చేస్తున్న సినిమాలు కాకుండా మరి కొన్ని కూడా లైన్ లో ఉన్నాయి. కమర్షియల్‌ సినిమాలకు సైతం సై అనేందుకు సిద్దంగా ఉన్న సమంత టాలీవుడ్‌ లో మోస్ట్‌ వాంటెడ్‌ హీరోయిన్ గా ఉన్న సమయంలోనే అక్కినేని హీరో నాగచైతన్యను వివాహం చేసుకుంది. వీరిద్దరి జోడీ టాలీవుడ్‌ తో పాటు అందరికి కూడా ఆదర్శం అనడంలో సందేహం లేదు. వీరిద్దరు కలిసి నటిస్తే చూడాలని అభిమానులు ఆశ పడుతున్నారు. వీరు మళ్లీ నటించేది ఎప్పుడో కాని వీరిద్దరి జోడీ మళ్లీ మళ్లీ బుల్లి తెరపై మాత్రం కనిపించడం ఖాయం అంటున్నారు.

సోషల్‌ మీడియాలో రెగ్యులర్ గా వీరిద్దరు కలిసి ఉన్న పోస్ట్‌ లు షేర్‌ అవుతూనే ఉంటాయి. సౌత్‌ క్వీన్‌ గా సమంతను అభిమానులు పిలుచుకుంటూ ఉంటారు. అంతటి అభిమానంను దక్కించుకున్న సమంత పుట్టిన రోజు నేడు. ఈ సందర్బంగా ఆమెకు పుట్టిన రోజు శుభాకాంక్షలు తెలియజేస్తున్నాం. ముందు ముందు మరిన్ని మంచి సినిమాలను ప్రేక్షకులకు అందించాలని కోరుకోవడంతో పాటు ఆమె వ్యక్తిగత జీవితం కూడా ఆనందమయంగా సాగాలని మనస్ఫూర్తిగా మా టీమ్ తరపున సమంతకు పుట్టిన రోజు శుభాకాంక్షలు తెలియజేస్తున్నాం.