జీవనశైలి వ్యాధులు.. ఉద్యోగులకే ఎక్కువా?

ఆధునిక పోటీ ప్రపంచంలో ఉద్యోగులకు ఉండే టార్గెట్లు, డెడ్ లైన్లు, త్వరగా ఉన్నత స్థితి కి చేరుకోవాలనే పరుగు.. వంటి కారణాల వల్ల ఉద్యోగుల్లో వారికి తెలియకుండానే ఒత్తిడి పెరిగి… వారు బీపీ, డయాబెటిక్, థైరాయిడ్, గ్యాస్ట్రిక్ ట్రబుల్ వంటి జీవన శైలి వ్యాధుల బారిన పడుతున్నారని రెనోవా హాస్పిటల్ కి చెందిన డా.. శ్రీకాంత్ అభిప్రాయ పడ్డారు..

నగరంలోని లంగర్ హౌస్ లో ఇటీవల అన్ని ఆధునిక సౌకర్యాలతో ఏర్పాటు చేసిన ‘రెనోవా హాస్పిటల్ ‘ వారు పుప్పాలగూడా లోని గ్రీన్ స్పేస్ అపార్టుమెంట్ల నివాసితులకు వారి ప్రాంగణంలోనే ఈరోజు ఉచిత వైద్య శిబిరాన్ని ఏర్పాటు చేశారు. ఈ శిబిరంలో ప్రాధమిక పరీక్షలన్నీ ఉచితంగా చేసి, పాల్గొన్నవారందరికీ వైద్యులు తగిన వైద్య సలహాలను అందించారు…

ఈ సందర్బంగా స్త్రీల వ్యాధి నిపుణురాలు డా. పద్మావతి కపిల మాట్లాడుతూ.. ఉద్యోగం చేసే మహిళలు.. తమ కుటుంబం పట్ల తీసుకునే బాధ్యత లాగానే తమ వ్యక్తిగత ఆరోగ్యానికి కూడా అంతే ప్రాధాన్యాన్ని ఇస్తూ ఇంటి బాధ్యతలు – ఉద్యగ బాధ్యతలను సమన్వయం చేసుకోవాలని, పాలు, పళ్లు, కూరగాయలు వంటివి క్రమం తప్పకుండా తీసుకుంటూ.. తమకు చేతనైన వ్యాయామాలు చేస్తూ చక్కటి ఆరోగ్యానికి వారే బాటలు వేసుకోవాలని సూచించారు. స్త్రీల సమస్యలకు డా. పద్మావతి “ఓ పీ’ నిర్వహించి వ్యక్తిగతంగా అందరికి ఉచిత వైద్య సలహాలు అందించారు.

సాధారణ ఆరోగ్య సమస్యలకు డా. శ్రీకాంత్ :ఓ. పీ’ నిర్వహించి ఉచిత సేవలు అందించారు…

ఈ శిబిరంలో గ్రీన్ స్పేస్ అపార్టుమెంట్లు… ప్రైమ్, సిగ్నేచర్, లోటస్, తులసి, బిందు సదన్ , ఆస్టర్ బ్లాకు లకు సంబంధించిన నివాసితులు పెద్ద ఎత్తున పాల్గొన్నారు…

రెనోవా హాస్పిటల్ మేనేజర్లు.. విజయచందర్, రామ్మోహన్ సాయి ఏర్పాట్లను పర్యవేక్షించారు.