రాశి ఫలాలు: శుక్రవారం 26 ఫిబ్రవరి 2021

పంచాంగం

శ్రీ శార్వరి నామ సంవత్సరం ఉత్తరాయణం శిశిర ఋతువు మాఘమాసం శుక్ల పక్షం

సూర్యోదయం: ఉ.6:25
సూర్యాస్తమయం: సా.6:02
తిథి: శుద్ధ. చతుర్దశి మ.3:19..వరకు తదుపరి పౌర్ణమి
సంస్కృతవారం: భృగు వా‌సరః
నక్షత్రము: ఆశ్లేష మ.12:11 తదుపరి మఘ
యోగం: అతిగండరా.10:50 వరకు
కరణం: వనిజ మ.3:19 వరకు తదుపరి విష్టి
వర్జ్యం: రా.12:03నుండి రా.1:38 వరకు
దుర్ముహూర్తం: ఉ.8:49నుండి ఉ.9:35 వరకు తదుపరి మ12:37.నుండి మ.1:23 వరకు
రాహుకాలం: ఉ.10:30నుండి మ.12:00 వరకు
యమగండం: మ.3:00 నుండి మ 4:30 వరకు
గుళిక కాలం: ఉ.8:07నుండి ఉ 9:34 వరకు
బ్రాహ్మీ ముహూర్తం: తె.5:04 నుండి ఉ.5:52 వరకు
అమృత ఘడియలు: ఉ.11:00 నుండి 12:33
అభిజిత్ ముహూర్తం: మ.12:065నుండి మ.12:52 వరకు

ఈరోజు (26-02-2021) రాశి ఫలితాలు.

మేషం: ఆర్థిక వ్యవహారాలు గందరగోళంగా ఉంటాయి. ఋణ సమస్యల వలన మానసిక ఒత్తిడి పెరుగుతుంది. జీవిత భాగస్వామి తో మాట పట్టింపులు కలుగుతాయి. వ్యాపారాలు ఆశించిన రీతిలో రాణించవు. ఉద్యోగమున శత్రు సమస్యలు అధికమౌతాయి. ఆధ్యాత్మిక చింతన కలుగుతుంది.

వృషభం:చేపట్టిన పనులు సకాలంలో పూర్తి చేస్తారు. సోదరుల నుండి శుభవార్తలు అందుతాయి. సంతానం పోటీ పరీక్షలలో విజయం సాధిస్తారు. వృత్తి వ్యాపారాలు మరింత ఉత్సాహంగా సాగుతాయి. నూతన వాహనం కొనుగోలు చేస్తారు. ఆర్థిక అభివృద్ధి కలుగుతుంది.

మిథునం: ముఖ్యమైన పనులు మందకొడిగా సాగుతాయి. వృత్తి ఉద్యోగాలలో అదనపు బాధ్యతలు వలన చికాకులు తప్పవు. కుటుంబ సభ్యులు అవసరానికి సహాయం అందించరు. ధన పరమైన ఇబ్బందులు ఎదుర్కోవాల్సి రావచ్చు. వృత్తి ఉద్యోగాల్లో శ్రమకు తగిన ఫలితం కనిపించదు.

కర్కాటకం: నూతన విషయాలపై ఆసక్తి పెరుగుతుంది. మిత్రుల సహకారంతో పనులు సకాలంలో పూర్తిచేస్తారు. ఇంటా బయటా కొన్ని ఆశ్చర్యకరమైన సంఘటనలు జరుగుతాయి. విద్యార్థులు కష్టానికి తగిన ఫలితం పొందుతారు. వ్యాపారాలలో పురోగతి కలుగుతుంది. ఆదాయం పెరుగుతుంది.

సింహం: కుటుంబ సభ్యులతో పుణ్యక్షేత్రాలు సందర్శిస్తారు వృత్తి ఉద్యోగాలలో ధన పరమైన ఇబ్బందులు కలుగుతాయి. దూర ప్రాంతాల నుండి సోదరుల ఆగమనం ఆనందం కలిగిస్తుంది. నూతన వ్యాపార ప్రారంభం వ్యయ ప్రయాసలతో గాని పూర్తికాదు.

కన్య: నూతన కార్యక్రమాలను ప్రారంభిస్తారు. కొన్ని విషయాలలో ఆప్తుల సలహాలు కలసి వస్తాయి. మిత్రులతో దూర ప్రయాణ సూచనలు ఉన్నవి. ఆకస్మిక ధనప్రాప్తి కలుగుతుంది. వ్యాపారాలలో అనుకూలత పెరుగుతుంది. వృత్తి ఉద్యోగాలలో ఆశించిన పురోగతి లభిస్తుంది.

తుల: చేపట్టిన వ్యవహారాలలో విజయం సాధిస్తారు. నిరుద్యోగులకు ఉద్యోగావకాశాలు లభిస్తాయి. విద్యార్థులు నూతనోత్సాహంతో ఉంటారు. వృత్తి వ్యాపారాలలో సమస్యలను అధిగమించి లాభం పొందుతారు. ఉద్యోగంలో సఖ్యతగా వ్యవహరించి అధికారుల నుండి ప్రశంసలు పొందుతారు.

వృశ్చికం: ఇంటా బయటా ఒత్తిడులు అధికమవుతాయి. చిన్న చిన్న ఆరోగ్య సమస్యలను అశ్రద్ధ చేయడం మంచిది కాదు కుటుంబ సభ్యుల ప్రవర్తన మానసిక బాధలు కలిగిస్తుంది. ఆర్థిక వ్యవహారాలు నిరుత్సాహ పరుస్తాయి. వృత్తి వ్యాపారాలలో స్థానచలన సూచనలు ఉన్నవి.

ధనస్సు: ఉద్యోగ ప్రయత్నాలు మరింత మందగిస్తాయి. వృత్తి వ్యాపారాలు సామాన్యంగా సాగుతాయి. ఆధ్యాత్మిక సేవా కార్యక్రమాలలో మిత్రులతో పాల్గొంటారు. కుటుంబ వాతావరణం గందరగోళంగా ఉంటుంది. అనవసర వస్తువులపై ధన వ్యయం చేస్తారు. ఉద్యోగములో అదనపు బాధ్యతలు పెరుగుతాయి.

మకరం: కుటుంబంలో శుభకార్యాలు జరుగుతాయి. గృహనిర్మాణ పనులు వేగవంతం చేస్తారు. ఇతరుల అవసరానికి సహాయం చేస్తారు. కోర్టు సంబంధిత వ్యవహారాలలో కీలక సమాచారం లభిస్తుంది. వృత్తి వ్యాపారాలు లాభసాటిగా సాగుతాయి. ఉద్యోగమున మీ మాటకు విలువ మరింతగా పెరుగుతుంది

కుంభం: కష్టానికి ఫలితం లభిస్తుంది. ఆలోచనలు ఆచరణలో పెడతారు. మిత్రుల నుండి శుభకార్య ఆహ్వానాలు అందుతాయి. ఆర్థికంగా అనుకూలత పెరుగుతుంది. కొన్ని వ్యవహారాలలో సన్నిహితుల సహాయ సహకారాలు లభిస్తాయి. వ్యాపారాలలో అంచనాలను అందుకుంటారు.

మీనం: ఆర్థిక వ్యవహారాలు మందంగా ఉంటాయి. చేపట్టిన పనులలో శ్రమాధిక్యత తప్పదు. తొందరపడి మాట్లాడటం మంచిది కాదు. ముఖ్యమైన వ్యవహారాలు వాయిదా వేస్తారు. వ్యాపార ఉద్యోగాలలో చిన్న పాటి ఇబ్బందులు ఉన్నప్పటికీ అధిగమించి ముందుకు సాగుతారు.