హీరోయిన్‌ ఆ కోట్ల సంపాదన అక్రమమే

కర్ణాటక డ్రగ్స్‌ కేసులో అరెస్ట్‌ అయిన హీరోయిన్‌ సంజన గురించి రోజుకో విషయం బయట పడుతుంది. ఆమె కోట్ల సంపాదన కలిగి ఉన్నట్లుగా గుర్తించిన ఈడీ ఆ సంపాదన తాళూకు లెక్కలు చూస్తే అంతా అక్రమమే అంటూ వెళ్లడయ్యిందట. ప్రస్తుతం బెంగళూరులోని పరప్పన జైలులో ఉన్న సంజనను ఈడీ ప్రశ్నిస్తుంది. ఆమె బ్యాంకు ఖాతాలు మరియు ఇతర ఆస్తుల వివరాలను సేకరిస్తున్నారు. ఆమె సంపాదనలో ఎక్కువ శాతం చైనా యాప్స్‌ అయిన బింగో మరియు హకూనల ద్వారా వచ్చినట్లుగా ఈడీ గుర్తించింది.

ఈ రెండు యాప్స్‌ కు ఇండియాలో అనుమతులు లేవు. అయినా కూడా ఆమె అక్రమంగా వాటి ద్వారా డబ్బు సంపాదించింది. బింగో అనేది క్యాసినో తరహా జూదం. అందులో సంజనా భారీగా డబ్బులు సంపాదించినట్లుగా నిర్థారణ అయ్యింది. ఇక హకూన యాప్‌ లో ఫొటోలు మరియు వీడియోలు షేర్‌ చేయడం ద్వారా సంజనాకు డబ్బు వచ్చినట్లుగా గుర్తించారు. అయితే ఆ యాప్‌ ల ద్వారా కోట్ల రూపాయలు వచ్చే అవకాశం లేదని అందులో మళ్లీ ఏమైనా మోసాలు లేదా డ్రామాలు ఉండి ఉంటాయా అనేది కూడా ఈడీ అనుమానం వ్యక్తం చేస్తుంది.

అక్రమ సంపాదనను అలా లెక్క చూపించేందుకు వాటి ద్వారా వచ్చినట్లుగా చేసి ఉంటుందేమో అంటూ అనుమానం వ్యక్తం అవుతుంది. బింగో ద్వారా అంత మొత్తం సంపాదించడం అనేది సాధ్యం అయ్యే విషయం కాదంటూ విశ్లేషకులు అభిప్రాయం వ్యక్తం చేస్తున్నారు. హీరోయిన్‌ గా పెద్దగా సంపాదించలేదు ఇతర ఆదాయ వనరులు ఏమీ లేవు. అయినా కూడా ఆమె కోట్ల రూపాయలను కూడేసుకోవడంతో ఆమె ఖచ్చితంగా ఆర్థిక నేరాలకు పాల్పడి ఉంటుందనే అనుమానాలు వ్యక్తం అవుతున్నాయి.