అభిమానుల ఎమోషన్స్‌ ఎలా వుంటాయో సినీ నటుడిగా, దర్శకుడిగా, కొరియోగ్రాఫర్‌గా లారెన్స్‌కి తెలియదని ఎలా అనుకోగలం.? సినిమాకి సంబంధించి అన్ని విభాగాలపైనా పట్టుంది లారెన్స్‌కి. అలాంటి లారెన్స్‌, తమిళ సూపర్ స్టార్ రజనీకాంత్‌ మీద అభిమానం చాటుకునే క్రమంలో, కమల్ హాసన్ సినిమా పోస్టర్లపై చిన్నప్పుడు పేడ కొట్టేవాడినంటూ సంచలన వ్యాఖ్యలు చేయడం, అది కాస్తా పెను దుమారానికి కారణమవడం తెల్సిన విషయమే.
‘అడుసు తొక్కనేల.. కాలు కడగనేల’ అని పెద్దలు ఊరికినే అన్నారా.? ఆ విషయం లారెన్స్‌కి కాస్త లేటుగా అర్థమయ్యింది. అప్పటికే జరగాల్సిన అనర్థం జరిగిపోయింది. కమల్ అభిమానులు గుస్సా అవుతున్నారు. లారెన్స్‌ వివరణ తర్వాత కూడా కమల్ అభిమానులు అతన్ని క్షమించే పరిస్థితి కన్పించడంలేదు. బహిరంగ క్షమాపణ చెప్పాల్సిందేనంటూ లారెన్స్‌పై ఒత్తిడి తీసుకొస్తున్నారు.
కమల్ హాసన్ ఇప్పుడు కేవలం సినీ నటుడు మాత్రమే కాదు.. ఓ రాజకీయ పార్టీకి అధినేత కూడా. ఇదిలా వుంటే, లారెన్స్‌ వ్యాఖ్యల పట్ల రజనీకాంత్‌ కూడా ఒకింత అసహనం వ్యక్తం చేసినట్లు తెలుస్తోంది. కమల్‌తో కలిసి రాజకీయంగా పనిచేయాలనుకుంటోన్న రజనీకాంత్‌, లారెన్స్‌ వ్యాఖ్యలతో తమ మధ్య స్నేహ బంధం కొంత ఇబ్బందుల్లో పడే అవకాశముందని భావిస్తున్నారట.
ఈ నేపథ్యంలో లారెన్స్‌ని పిలిచి మరీ రజనీకాంత్‌ క్లాస్‌ తీసుకున్నట్లు తెలుస్తోంది. అత్యంత విశ్వసనీయ వర్గాల సమాచారం ప్రకారం నేడో రేపో లారెన్స్‌, కమల్‌హాసన్‌ని కలిసి వివాదానికి ముగింపు పలకబోతున్నాడట.
349079 796610Usually I dont read this kind of stuff, but this was genuinely fascinating! 69106
944819 665127I like this site so considerably, saved to favorites . 154012