నయనతార సినిమా ప్రయాణం ఇప్పటికీ సాఫీగా సాగిపోతోంది. రీసెంట్ గానే షారుఖ్ ఖాన్ వంటి బడా బాలీవుడ్ స్టార్ హీరో సరసన నటించి హిట్ అందుకుంది. జవాన్ హిందీలో పలు రికార్డులను తిరగరాసింది కూడా. సౌత్ లో కూడా నయన్ కు డిమాండ్ బాగానే ఉంది. ఇదిలా ఉంటే నయనతార అక్క పాత్రలో నటిస్తోంది అంటూ ప్రస్తుతం ఒక వార్త చక్కర్లు కొడుతోంది.
కెరీర్ సూపర్బ్ గా వెళ్ళిపోతోన్న నయన్ అప్పుడే అక్క పాత్రలవైపు మొగ్గు చూపడం ఏంటో అర్ధం కాలేదు చాలా మంది. అయితే ఇందులో ట్విస్ట్ ఏమిటంటే ఇది కేవలం తన భర్త కోసమేనట. తన భర్త విగ్నేష్ శివన్ తమిళ్ లో ఒక సినిమా చేయబోతున్నాడు. దీనికి లవ్ టుడే ఫేమ్ ప్రదీప్ రంగనాథన్ ను హీరోగా అనుకున్నాడు.
ఇది ఒక హిలేరియస్ రొమాంటిక్ కామెడీ అని తెలుస్తోంది. అయితేనేం అక్క, తమ్ముడు మధ్య వచ్చే సన్నివేశాలు సినిమాకు చాలా కీలకమట. హీరోయిన్ కన్నా కూడా అక్క పాత్రనే ఎక్కువగా హైలైట్ అవుతుంది అంటున్నారు. సో ఆ పాత్రలో నయన్ నటించబోతోంది.