‘ప్రీతిని అవమానించేలా సైఫ్ ప్రవర్తన’ వెల్లడించిన తెలిపిన వరంగల్ సీపీ

వరంగల్ ఎంజీఎంలో పీజీ వైద్య విద్యార్ధిని ఆత్మహత్య ఘటనలో సీనియర్ విద్యార్ధి సైఫ్ ను పోలీసులు అరెస్టు చేశారు. ఒక వ్యక్తి ఇన్ సల్ట్ గా ఫీలయితే అది ర్యాగింగ్ కిందకే వస్తుందని.. ప్రీతిని లక్ష్యంగా చేసుకుని సైఫ్ వేధించాడని వరంగల్ సీపీ రంగనాధ్ మీడియాకు తెలిపారు. ఘటనపై ఆయన మాట్లాడుతూ..

‘ప్రీతి తెలివి, ధైర్యం ఉన్న అమ్మాయి. సున్నిత మనస్కురాలు. కేస్ షీట్ విషయంలో ప్రీతిని అవమానించేలా మాట్లాడాడు. ఫిబ్రవరి 18 ఈ విషయమై వాట్సాప్ గ్రూపుల్లో మెసేజ్ చేశాడు. దీనిపై ఆమె పర్సనల్ గా ప్రశ్నించింది. గ్రూపులో చాట్ చేయడం సరికాదు.. ఏమైనా ఉంటే హెచ్ఓడీల దృష్టికి తీసుకెళ్లాలని చెప్పింది’.

‘ఈ ఆధిపత్యమే సైప్ కు నచ్చినట్టు లేదు. ప్రీతిని లక్ష్యంగా చేసుకుని అవహేళన చేసినట్టు చాటింగ్ ద్వారా వెల్లడైంది. ఆధారాలు సేకరించాం. డిసెంబర్ 6న రెండుమూడుసార్లు చిన్న ఘటనలు జరిగాయి. మొదటినుంచీ ఆమె సైఫ్ వల్ల ఇబ్బందిపడింది. కేసును పక్కదోవ పట్టిస్తున్నారనే ఆరోపణల్లో నిజం లేదు’ అని అన్నారు.