డిస్నీప్లస్ హాట్‌స్టార్ లో గత ఏడాది స్ట్రీమింగ్ అయ్యి మంచి విజయం సాధించిన వెబ్ సిరీస్ ‘పరంపర’ సీజన్ 2 ట్రైలర్ వచ్చేసింది. ఈ వెెబ్ సిరీస్ లో జగపతి బాబు, శరత్‌కుమార్, నవీన్ చంద్ర కీలక పాత్రల్లో నటించారు. ఎల్.కృష్ణ విజయ్, అరిగెల విశ్వనాథ్‌ల దర్శకత్వంలో శోభు యార్లగడ్డ, ప్రసాద్ దేవినేని ల నిర్మాణంలో ఈ వెబ్ సిరీస్ తెరకెక్కింది.
పొలిటికల్, రివెంజ్, యాక్షన్ థ్రిల్లర్‌గా ఈ సిరీస్ ను రూపొందించారు. పరంపర సీజన్ 2 ను ఈ నెల 21 తేదీ నుంచి స్ట్రీమింగ్ ప్రారంభం కాబోతోంది. ఈ వెబ్ సిరీస్ ట్రైలర్ ను స్టార్ హీరో రామ్ చరణ్ ట్వీట్ చేసి టీమ్ అందరికీ బెస్ట్ విసెష్ తెలిపారు.
ఈ యుద్ధం ఎవరి కోసం మొదలుపెట్టావో గుర్తుంది కానీ ఎందుకోసం మొదలుపెట్టావో గుర్తు లేదు అనే డైలాగ్ తో ట్రైలర్ మొదలైంది. ఫ్రీడమ్ కోసం, మా నాన్న దగ్గర లాకున్న అధికారం కోసం, పోగొట్టుకున్న పేరు, కోల్పోయిన జీవితం అన్నీ తిరిగి కావాలి అంటూ నవీన్ చంద్ర చెప్పిన డైలాగ్స్ వెబ్ సిరీస్ పై అంచనాలు భారీగా పెంచేస్తున్నాయి. .
నవీన్ చంద్ర, జగపతి బాబు, శరత్ కుమార్ పాత్రల మధ్య హోరాహోరి ఘర్షణ ఉండబోతుందని ఈ ట్రైలర్ ను చూస్తుంటేనే అర్థం అవుతోంది. ఓ రియల్ రివేంజ్ యాక్షన్ డ్రామా ట్రైలర్ లో ఆవిష్కృతమైంది. జూలై 21 నుంచి ‘పరంపర’ సీజన్ 2 అదే డిస్నీ ప్లస్ హాట్ స్టార్ లో స్ట్రీమింగ్ ప్రారంభం కానుంది.
Happy to release the trailer of #Parampara Season 2:https://t.co/z6FrEQtNiC#ParamparaAgain from July 21 ! @DisneyPlusHSTel@arkamediaworks @IamJagguBhai @realsarathkumar @naveenc212 @aakanksha_s30 @Yoursishan @NainaGtweets @shobu_ pic.twitter.com/vq1jg9L0yO
— Ram Charan (@AlwaysRamCharan) July 8, 2022